Psa 11 | SahYktBBL | STEP | Хуор салайааччытыгар. Аҕыс устурууналаах инструмент доҕуһуолунан. Давид псалома.

‏ Psalms 11

1 Хуор салайааччытыгар. Аҕыс устурууналаах инструмент доҕуһуолунан. Давид псалома.
2 Быыһаа, Айыы Тойон; Таҥараҕа бэриниилээх ким да суох,
итэҕэллээх киһи дьон аймахха аны суох.
3 Бары бэйэ-бэйэлэригэр сымыйаны этэллэр;
минньигэс тылларынан албыдыйан,
кубулҕаттык кэпсэтэллэр.

4 Тыла суох ыытыаҕа Айыы Тойон бары албын тыллаахтары,
арбанар адьынаттаахтары,
5 «Кутан-симэн хотуохпут, тугу этэри булуохпут,
ким биһиэхэ тойонуй?» – дэһээччилэри.

6 «Кыраны-хараны халыылларын,
кыһалҕалаахтары ынчыктаталларын иһин,
Мин билигин туруом, – диир Айыы Тойон, –
уонна, баттаммыттар баҕаларын толорон,
кинилэри быыһаан ылыам».
7 Айыы Тойон этэр тыла – ыраас тыл,
туой оһоххо ыраастаммыт,
сэттэ төгүл уулларыллыбыт үрүҥ көмүс.

8 Айыы Тойон, Эн биһигини харыстыаҥ,
бу аймахтан үйэлэр тухары араҥаччылыаҥ.
9 Ханна да көр – хара дьайдаахтар хаамсаллар,
дьон бары сидьиҥи өрө туталлар ^{▼▼ Былыргы гректии тылбааска: дьон сидьиҥэ өрө таҕыста.}.