Psalms 130
1Дабайыы ырыата. Давид киэнэ.Айыы Тойон, мин сүрэхпэр бэрдимсийэр санаам суоҕа,
үтүөмсүйэн да харахпын өрө көрбөтөҕүм,
санаам тиийбэт улуутугар тардыспатаҕым.
2Ийэтин эмиийиттэн араарыллыбыт оҕолуу,
мин дууһабын чуумпурдан уоскутарым;
эмиийиттэн араарыллыбыт оҕо курдуга
испэр мин дууһам.
3Израиль, Айыы Тойоҥҥо эн эрэн
аны мантан инньэ үйэлэр тухары.
Copyright information for
SahYktBBL