Isa 13:1-6 | SwhKC | STEP | Neno kuhusu Babeli ambalo Isaya mwana wa Amozi aliliona:

Isaiah 13:1-6

Unabii Dhidi Ya Babeli

1 ^aNeno kuhusu Babeli ambalo Isaya mwana wa Amozi aliliona:
2 ^bTwekeni bendera juu ya mlima usio na kitu,
wapazieni sauti,
wapungieni mkono waingie
katika malango ya wenye heshima.

3 ^cNimewaamuru watakatifu wangu;
nimewaita mashujaa wangu waitimize hasira yangu:
wale wanaoshangilia ushindi wangu.

4 ^dSikilizeni kelele juu ya milima,
kama ile ya umati mkubwa wa watu!
Sikilizeni, makelele katikati ya falme,
kama mataifa yanayokusanyika pamoja!
Bwana Mwenye Nguvu Zote anakusanya
jeshi kwa ajili ya vita.

5 ^eWanakuja kutoka nchi za mbali sana,
kutoka miisho ya mbingu,
Bwana na silaha za ghadhabu yake,
kuangamiza nchi yote.

6 ^fOmbolezeni, kwa maana siku ya Bwana i karibu,
itakuja kama uharibifu kutoka kwa Mwenyezi. ^{▼▼ Mwenyezi hapa ina maana ya Shaddai kwa Kiebrania.}