Mat 8:5-10 | SwhKC | STEP | Isa alipoingia Kapernaumu, jemadari mmoja alimjia, kumwomba msaada,

Matthew 8:5-10

5 ^aIsa alipoingia Kapernaumu, jemadari mmoja alimjia, kumwomba msaada, 6 ^bakisema, “Bwana, mtumishi wangu amelala nyumbani na amepooza, tena ana maumivu makali ya kutisha.”

7 Isa akamwambia, “Nitakuja na kumponya.”

8 ^cLakini yule jemadari akamwambia, “Bwana, mimi sistahili wewe kuingia chini ya dari yangu. Lakini sema neno tu, naye mtumishi wangu atapona. 9 Kwa kuwa mimi mwenyewe ni mtu niliyewekwa chini ya mamlaka, nikiwa na askari chini yangu. Nikimwambia huyu, ‘Nenda,’ yeye huenda; na mwingine nikimwambia, ‘Njoo,’ yeye huja. Nikimwambia mtumishi wangu, ‘Fanya hivi,’ yeye hufanya.”

10 ^dIsa aliposikia maneno haya, alishangaa, akawaambia wale waliomfuata, “Amin, nawaambia, hata katika Israeli sijapata kuona yeyote mwenye imani kubwa namna hii.