Psa 87 | SwhNeno | STEP | Zaburi ya wana wa Kora. Wimbo. Ameuweka msingi wake katika mlima mtakatifu;

‏ Psalms 87

Sifa Za Yerusalemu

Zaburi ya wana wa Kora. Wimbo.

1 Ameuweka msingi wake katika mlima mtakatifu;
2 Bwana anayapenda malango ya Sayuni
kuliko makao yote ya Yakobo.
3 Mambo matukufu yanasemwa juu yako,
ee mji wa Mungu:
4 “Nitaweka kumbukumbu ya Rahabu ^{▼▼Rahabu hapa ni jina la ushairi la Misri.} na Babeli
miongoni mwa wale wanaonikubali mimi:
Ufilisti pia na Tiro, pamoja na Kushi, ^{▼▼Kushi hapa ina maana ya Naili ya juu, yaani Ethiopia.}
nami nitasema, ‘Huyu alizaliwa Sayuni.’ ”

5 Kuhusu Sayuni itasemwa hivi,
“Huyu na yule walizaliwa humo,
naye Aliye Juu Sana mwenyewe
atamwimarisha.”
6 Bwana ataandika katika orodha ya mataifa:
“Huyu alizaliwa Sayuni.”
7 Watakapokuwa wanapiga vinanda wataimba,
“Chemchemi zangu zote ziko kwako.”