1Sa 1:24-28 | THOT | STEP | וַתַּעֲלֵ֨ הוּ עִמָּ֜ הּ כַּ אֲשֶׁ֣ר גְּמָלַ֗תּ וּ בְּ פָרִ֤ים שְׁלֹשָׁה֙ וְ אֵיפָ֨ה אַחַ֥ת קֶ֙מַח֙ וְ נֵ֣בֶל יַ֔יִן וַתְּבִאֵ֥ הוּ בֵית ־ יְהוָ֖ה שִׁל֑וֹ וְ הַ נַּ֖עַר נָֽעַר ׃

‎ 1 Samuel 1:24-28

24 וַתַּעֲלֵהוּ עִמָּהּ כַּאֲשֶׁר גְּמָלַתּוּ בְּפָרִים שְׁלֹשָׁה וְאֵיפָה אַחַת קֶמַח וְנֵבֶל יַיִן וַתְּבִאֵהוּ בֵית־יְהוָה שִׁלוֹ וְהַנַּעַר נָֽעַר׃ 25 וַֽיִּשְׁחֲטוּ אֶת־הַפָּר וַיָּבִיאוּ אֶת־הַנַּעַר אֶל־עֵלִֽי׃ 26 וַתֹּאמֶר בִּי אֲדֹנִי חֵי נַפְשְׁךָ אֲדֹנִי אֲנִי הָאִשָּׁה הַנִּצֶּבֶת עִמְּכָה בָּזֶה לְהִתְפַּלֵּל אֶל־יְהוָֽה׃ 27 אֶל־הַנַּעַר הַזֶּה הִתְפַּלָּלְתִּי וַיִּתֵּן יְהוָה לִי אֶת־שְׁאֵלָתִי אֲשֶׁר שָׁאַלְתִּי מֵעִמּֽוֹ׃ 28 וְגַם אָנֹכִי הִשְׁאִלְתִּהוּ לַֽיהוָה כָּל־הַיָּמִים אֲשֶׁר הָיָה הוּא שָׁאוּל לַֽיהוָה וַיִּשְׁתַּחוּ שָׁם לַיהוָֽה׃פ