Psa 39 | THOT | STEP | לַ מְנַצֵּ֥חַ לִ ידִיתוּן מִזְמ֥וֹר לְ דָוִֽד ׃

‎ Psalms 39

1 לַמְנַצֵּחַ לִידִיתוּן ^{▼▼For Ketiv לִידִיתוּן Qere= לִֽידוּתוּן} מִזְמוֹר לְדָוִֽד׃ 2 ^{▼▼English Ref=39.1} אָמַרְתִּי אֶֽשְׁמְרָה דְרָכַי מֵחֲטוֹא בִלְשׁוֹנִי אֶשְׁמְרָה לְפִי מַחְסוֹם בְּעֹד רָשָׁע לְנֶגְדִּֽי׃ 3 ^{▼▼English Ref=39.2} נֶאֱלַמְתִּי דוּמִיָּה הֶחֱשֵׁיתִי מִטּוֹב וּכְאֵבִי נֶעְכָּֽר׃ 4 ^{▼▼English Ref=39.3} חַם־לִבִּי׀ בְּקִרְבִּי בַּהֲגִיגִי תִבְעַר־אֵשׁ דִּבַּרְתִּי בִּלְשֽׁוֹנִי׃ 5 ^{▼▼English Ref=39.4} הוֹדִיעֵנִי יְהוָה׀ קִצִּי וּמִדַּת יָמַי מַה־הִיא אֵדְעָה מֶה־חָדֵל אָֽנִי׃ 6 ^{▼▼English Ref=39.5} הִנֵּה טְפָחוֹת׀ נָתַתָּה יָמַי וְחֶלְדִּי כְאַיִן נֶגְדֶּךָ אַךְ כָּֽל־הֶבֶל כָּל־אָדָם נִצָּב סֶֽלָה׃ 7 ^{▼▼English Ref=39.6} אַךְ־בְּצֶלֶם׀ יִֽתְהַלֶּךְ־אִישׁ אַךְ־הֶבֶל יֶהֱמָיוּן יִצְבֹּר וְֽלֹא־יֵדַע מִי־אֹסְפָֽם׃ 8 ^{▼▼English Ref=39.7} וְעַתָּה מַה־קִּוִּיתִי אֲדֹנָי תּוֹחַלְתִּי לְךָ הִֽיא׃ 9 ^{▼▼English Ref=39.8} מִכָּל־פְּשָׁעַי הַצִּילֵנִי חֶרְפַּת נָבָל אַל־תְּשִׂימֵֽנִי׃ 10 ^{▼▼English Ref=39.9} נֶאֱלַמְתִּי לֹא אֶפְתַּח־פִּי כִּי אַתָּה עָשִֽׂיתָ׃ 11 ^{▼▼English Ref=39.10} הָסֵר מֵעָלַי נִגְעֶךָ מִתִּגְרַת יָדְךָ אֲנִי כָלִֽיתִי׃ 12 ^{▼▼English Ref=39.11} בְּֽתוֹכָחוֹת עַל־עָוֺן׀ יִסַּרְתָּ אִישׁ וַתֶּמֶס כָּעָשׁ חֲמוּדוֹ אַךְ הֶבֶל כָּל־אָדָם סֶֽלָה׃ 13 ^{▼▼English Ref=39.12} שִֽׁמְעָה־תְפִלָּתִי׀ יְהוָה וְשַׁוְעָתִי׀ הַאֲזִינָה אֶֽל־דִּמְעָתִי אַֽל־תֶּחֱרַשׁ כִּי גֵר אָנֹכִי עִמָּךְ תּוֹשָׁב כְּכָל־אֲבוֹתָֽי׃ 14 ^{▼▼English Ref=39.13} הָשַׁע מִמֶּנִּי וְאַבְלִיגָה בְּטֶרֶם אֵלֵךְ וְאֵינֶֽנִּי׃