Psa 49 | THOT | STEP | לַ מְנַצֵּ֬חַ ׀ לִ בְנֵי ־ קֹ֬רַח מִזְמֽוֹר ׃

‎ Psalms 49

1 לַמְנַצֵּחַ׀ לִבְנֵי־קֹרַח מִזְמֽוֹר׃ 2 ^{▼▼English Ref=49.1} שִׁמְעוּ־זֹאת כָּל־הָֽעַמִּים הַאֲזִינוּ כָּל־יֹשְׁבֵי חָֽלֶד׃ 3 ^{▼▼English Ref=49.2} גַּם־בְּנֵי אָדָם גַּם־בְּנֵי־אִישׁ יַחַד עָשִׁיר וְאֶבְיֽוֹן׃ 4 ^{▼▼English Ref=49.3} פִּי יְדַבֵּר חָכְמוֹת וְהָגוּת לִבִּי תְבוּנֽוֹת׃ 5 ^{▼▼English Ref=49.4} אַטֶּה לְמָשָׁל אָזְנִי אֶפְתַּח בְּכִנּוֹר חִידָתִֽי׃ 6 ^{▼▼English Ref=49.5} לָמָּה אִירָא בִּימֵי רָע עֲוֺן עֲקֵבַי יְסוּבֵּֽנִי׃ 7 ^{▼▼English Ref=49.6} הַבֹּטְחִים עַל־חֵילָם וּבְרֹב עָשְׁרָם יִתְהַלָּֽלוּ׃ 8 ^{▼▼English Ref=49.7} אָח לֹא־פָדֹה יִפְדֶּה אִישׁ לֹא־יִתֵּן לֵאלֹהִים כָּפְרֽוֹ׃ 9 ^{▼▼English Ref=49.8} וְיֵקַר פִּדְיוֹן נַפְשָׁם וְחָדַל לְעוֹלָֽם׃ 10 ^{▼▼English Ref=49.9} וִֽיחִי־עוֹד לָנֶצַח לֹא יִרְאֶה הַשָּֽׁחַת׃ 11 ^{▼▼English Ref=49.10} כִּי יִרְאֶה׀ חֲכָמִים יָמוּתוּ יַחַד כְּסִיל וָבַעַר יֹאבֵדוּ וְעָזְבוּ לַאֲחֵרִים חֵילָֽם׃ 12 ^{▼▼English Ref=49.11} קִרְבָּם בָּתֵּימוֹ׀ לְֽעוֹלָם מִשְׁכְּנֹתָם לְדֹר וָדֹר קָֽרְאוּ בִשְׁמוֹתָם עֲלֵי אֲדָמֽוֹת׃ 13 ^{▼▼English Ref=49.12} וְאָדָם בִּיקָר בַּל־יָלִין נִמְשַׁל כַּבְּהֵמוֹת נִדְמֽוּ׃ 14 ^{▼▼English Ref=49.13} זֶה דַרְכָּם כֵּסֶל לָמוֹ וְאַחֲרֵיהֶם׀ בְּפִיהֶם יִרְצוּ סֶֽלָה׃ 15 ^{▼▼English Ref=49.14} כַּצֹּאן׀ לִֽשְׁאוֹל שַׁתּוּ מָוֶת יִרְעֵם וַיִּרְדּוּ בָם יְשָׁרִים׀ לַבֹּקֶר וְצִירָם ^{▼▼For Ketiv וְצִירָם Qere= וְצוּרָם} לְבַלּוֹת שְׁאוֹל מִזְּבֻל לֽוֹ׃ 16 ^{▼▼English Ref=49.15} אַךְ־אֱלֹהִים יִפְדֶּה נַפְשִׁי מִֽיַּד־שְׁאוֹל כִּי יִקָּחֵנִי סֶֽלָה׃ 17 ^{▼▼English Ref=49.16} אַל־תִּירָא כִּֽי־יַעֲשִׁר אִישׁ כִּֽי־יִרְבֶּה כְּבוֹד בֵּיתֽוֹ׃ 18 ^{▼▼English Ref=49.17} כִּי לֹא בְמוֹתוֹ יִקַּח הַכֹּל לֹא־יֵרֵד אַחֲרָיו כְּבוֹדֽוֹ׃ 19 ^{▼▼English Ref=49.18} כִּֽי־נַפְשׁוֹ בְּחַיָּיו יְבָרֵךְ וְיוֹדֻךָ כִּי־תֵיטִיב לָֽךְ׃ 20 ^{▼▼English Ref=49.19} תָּבוֹא עַד־דּוֹר אֲבוֹתָיו עַד־נֵצַח לֹא יִרְאוּ־אֽוֹר׃ 21 ^{▼▼English Ref=49.20} אָדָם בִּיקָר וְלֹא יָבִין נִמְשַׁל כַּבְּהֵמוֹת נִדְמֽוּ׃