1Ti 2 | TabIBTNT | STEP | Сифтена-сифте увкан ккун апӏурайиб гьаму вуйиз: вари адмийирихъанди ккарагай, тӏалаб апӏинай, гаф хъипай, Аллагьдиз чухсагъул йипай.

‏ 1 Timothy 2

Сакьюдар ляхнарикан

1 Сифтена-сифте увкан ккун апӏурайиб гьаму вуйиз: вари адмийирихъанди ккарагай, тӏалаб апӏинай, гаф хъипай, Аллагьдиз чухсагъул йипай. 2 Ухьу мясляаьт ади ва ужувлаъ архаинди, лайикьлуди яшамиш шлуси, пачгьарихъанди ва гьюкмихь хьайи варидарихъанди ккарагай. 3 Мици апӏуб дюзди ва ухьу уьрхру Аллагьдиз кьабулди ву. 4 Фицики Дугъаз вари адмийир дюрхну ва гьякьвалихъна дуфну ккунду. 5 Аллагь сар ву, ва Аллагьдинна адмийин ара сатӏи Апӏурайирра сар ву. Думу Кас – Месигь Иса ву. 6 Дугъу вари адмийирихъанди кайи буржнан ерина Учв тувну. Думу Аллагьди, вахт гъафиган, дюнʼяйиз гьау шагьидвал ву. 7 Гьаддиз узу, Хабар рабгърурди, Месигьдин вакилди ва жугьуд дару халкьариз гьякь хъугъувалин мялимди дерккнайир вузун; кучӏлар апӏурадарза, гьякь кӏураза.

8 Гьаци вуйиган жилари, хъял ва гьюжатар гъитну, гьарсаб йишвахь ккарагури, марцци хилар заргури ккундузуз.

9 Гьаци дишагьлийирира палат абурлуди ва жвуваз балгруси, къайдайиинди алабхьри; гъит дурари, аьжайибди кушар дерккри, гъизилар, жавагьирар, багьа палат алабхьури ваъ, 10 хъа Аллагьдиз бахш духьнайи дишагьлийириз лайикь вуйиси гъяни ляхнариинди чпи кабалгри. 11 Гъит дишагьлийири, артухъ гаф дарди, саб наразивал улулупди, аьгъювалар аьгъю апӏри. 12 Дишагьлийиз жили-жвуван зиин аьхювал апӏуз ва аьгъювалар улупуз гъидритарза; думу ккебехъну гъузри. 13 Фицики сифте – Адам, хъа Ева халкь гъапӏнийи. 14 Алдатмиш гъапӏурра Адам дайи, хъа, кӏучӏлихъ хъебехъну, гунагь гъапӏур учв вуйи. 15 Аммаки дишагьлира уьрхиди, бицӏидар апӏури, эгер хъугъувал, масанвал, гирамивал ва намуслувал ади яшамиш шулуш.