2Cor 7 | TabIBTNT | STEP | Гьаци вуйиган, йиз ккунидар, гъачай, ухьуз ужувлар хьуз гьамциб гаф тувнайиган, ихь беденна рюгь чиркин апӏру варибдихьан марцц дапӏну, Аллагьдин улихь аьхю гукӏнивал ади, гирамиди яшамиш хьуз улихь гъягъидихьа.

‏ 2 Corinthians 7

Павелин шадвал

1 Гьаци вуйиган, йиз ккунидар, гъачай, ухьуз ужувлар хьуз гьамциб гаф тувнайиган, ихь беденна рюгь чиркин апӏру варибдихьан марцц дапӏну, Аллагьдин улихь аьхю гукӏнивал ади, гирамиди яшамиш хьуз улихь гъягъидихьа.

2 Учуз ичв юкӏвар арццай! Учу саризра гиран ктапӏундарча, саризра зарар тувундарча, сариканкьан ич хайирназ мянфяаьт ктабгъундарча. 3 Узу му учвуз тягьна вуди кӏурайиб дариз, ваъ, учву ич юкӏвариъ ачва, учу учвухъди яшамиш хьузра, йикӏузра гьязур вуча кӏури, улихьна гъапунзачвузки. 4 Йиз учвук гизаф миж кайиз ва учвʼин дамахлу вуза! Учву узук гьаци юкӏв капӏри шулчваки, йиз вари бедбахтвалариз дилигди, узу бегьем шадвали ацӏразу.

5 Гьеле учу Македонияйиз гъафнушра, душваъ архаинвал гъабхьундарчуз. Вари терефарихъанди балйир алахьунчуин: чӏатан учʼина гьюжмар апӏуйи, хъа айитӏ жандиъ гукӏнишин абхъуйи. 6 Пашманвалиъ ахьдар ккарцру Аллагьди, учухьна Тит гьаъну, ккаарцунчу. 7 Думу учухьна гъафну кӏури ваъ, хъа учву думу фици кьабул гъапӏнуш, гьаддикан вуйи ихтилатниин гизаф рази гъахьунча. Дугъу, учвуз узу фукьан дяркъну ккунди аш, узуз гъабшибдин учву фукьан дердер гъизигнуш ва фициб гьяракатниинди учву узхъан хъюгънуш, ктибтунчуз – миди узуз зурба шадвал тувунзуз.

8 Йиз кагъзи учвуз гиран ктапӏнушра, думу бикӏбиин швумал дарза. Икибаштӏан, сифте швумал гъахьнийза, фицики йиз кагъзи учвуз цӏиб вахтназ вушра гиран ктапӏуб, гъябкънийиз, 9 хъа гьамус шад вуза. Учвуз учву тахсиркрар вуйиб аьгъю дубхьна кӏури ваъ, хъа ичв пашманвали учву швумал гъапӏган, шад гъахьунзу. Ичв пашманвал Аллагьдихьан вуйи, гьаддиз учкан харжиб фукӏа гъабхьундарчвуз! 10 Аллагьдихьан вуйи пашманвали швумал хьуб арайиз хуру, гьаддихъди – уьрхювалра, гьяйифар зигбакк ккуркьдар. Хъа му дюнʼяйин пашманвали аьжал хуру. 11 Аллагьдихьан вуйи пашманвали учвуъ фу арайиз гъабхнуш лигай: аьшкь кади лихуб, гьякьвалихъна гъюб, тахсиркриина алжагъуб, гучӏʼвал кади хьуб, рякъюз юкӏв хъади хьуб, кӏван сикинсузвал, тахсиркрин суд апӏуз гьязурди хьуб. Учвук му ляхниъ сарун тахсир кимдруб гьубкӏну улупунчва. 12 Узу учвуз, беябур апӏрур дерккну ясана беябур гъахьирихъан хъюгъну гъузузтӏан кӏури дибикӏнадарза, хъа, Аллагьдин улихь учву учухъ фукьан хъпехъури гъузну ккундуш, учву гъавриъ ахъбан бадали, гъибикӏуб вуйиз. 13 Аьхириъ миди учу шад апӏура.

Учу шад, неинки учвуъ гъахьи дигишʼвалари, хъа гьацира Титдин шадвали шад гъапӏунчу, фицики учву вариди дугъан кӏваълан гъагъ алдабгъунчва. 14 Узу дугъан улихь ичв тяриф гъапӏунза, ва йиз учвʼин али хъугъʼвал пуч гъапӏундарчва. Учу учвуз кӏурайибра вари диш ву, ва учу Титдиз учвкан гъапӏу тярифар вари дишдар гъахьну. 15 Дугъаз учву, чахъ фици хъпехънийиш ва фициб гукӏнивалиинди ва жандиъ зириз ади думу учву кьабул гъапӏнийиш, кӏваин апӏрукьан, гизафтӏан гизаф ккун шула. 16 Узхьан учвухъ йирфар хъирчуз шлубдиин шад вуза.