Amo 1 | TatIBT15 | STEP | Тыкуа терлекчеләренең берсе булган Амос сүзләре. Җир тетрәвенә ике ел кала, Яһүдәдә – Уззия, Исраилдә Йогаш углы Яробам патшалык иткән көннәрдә, Амоска Исраил хакында вәхи иңде.

‏ Amos 1

1 Тыкуа терлекчеләренең берсе булган Амос сүзләре. Җир тетрәвенә ике ел кала, Яһүдәдә – Уззия, Исраилдә Йогаш углы Яробам патшалык иткән көннәрдә, Амоска Исраил хакында вәхи ^{▼▼ Вәхи – Аллаһы тарафыннан пәйгамбәр күңеленә салынган хәбәр. Яһүд телендәге төп нөсхәдә сүзгә-сүз: Аллаһыдан күренеш иңде.} иңде.

2 Амос болай дип сөйләде:

«Раббы Сионнан торып күкрәр,
гөрелтесен Иерусалимнән яңгыратыр –
шиңәр шулчак көтүлек җирләре,
корып кибәр Кәрмил тау башлары».

Раббының Исраил күршеләрен хөкемгә тартуы

3 Раббы болай ди:

«Җинаять өстенә җинаять эшләгән,
Гилыгадны ^{▼▼ Гилыгад – Үрдүннән көнчыгышта урнашкан өлкә.} тимер чабагачлар белән суктырган
Дәмәшкъне җәзасыз калдырмам:
4 Хазаилнең ^{▼▼ Хазаил – Дәмәшкъ патшасы.} сараен утка чорнармын,
Бен-Һададның ^{▼▼ Бен-Һадад – Дәмәшкъ патшасы, Хазаилнең углы дип фаразлана.} кальгаларын ялкын ялмап алыр.
5 Дәмәшкънең капка бикләрен ватармын,
Авен үзәнендә ^{▼▼ Авен үзәне – яһүдчә «явызлык үзәне» мәгънәсендә; Арам җирендә урнашкан үзән.} яшәүчеләрне
һәм Бәйт-Эдендагы ^{▼▼ Бәйт-Эден – яһүдчә «ләззәт йорты» мәгънәсендә; Арам иленең Фырат елгасы буенда урнашкан бер төбәге булырга мөмкин.} хөкемдарлык таягының иясен юк итәрмен;
арамиләр Кыйрга ^{▼▼ Кыйр – арамиләрнең туган иле.} сөрелер», – ди Раббы.

6 Раббы болай ди:

«Җинаять өстенә җинаять эшләгән,
халкымны авылы-авылы белән
Эдомга ^{▼▼ Эдом – Сәгыйрь тауларында, Үле диңгездән көньяктарак урнашкан ил. Эдомиләр – Эсауның (аның икенче исеме – Эдом) нәсел варислары. Эсау үзе – Исраил халкының нәселбашы булган Ягъкубның бертуган кардәше.} әсирлеккә сатып җибәргән Газаны җәзасыз калдырмам:
7 Газа диварларын утка чорнармын,
аның кальгаларын ялкын ялмап алыр.
8 Ашдодта яшәүчеләрне
һәм Ашкылундагы хөкемдарлык таягының иясен юк итәрмен;
кулымны Экронга ^{▼▼ Газа, Ашдод, Ашкылун, Экрон – пелештиләрнең иң зур биш шәһәренең дүртесе (бишенчесе – Гәт).} каршы сузармын,
һәм пелештиләр соңгы кешесенә кадәр һәлак булыр!» –
ди Хуҗа-Раббы.

9 Раббы болай ди:

«Җинаять өстенә җинаять эшләгән,
кардәшлек килешүен онытып, халкымны авылы-авылы белән
Эдомга сатып җибәргән Сурны ^{▼▼ Сур – Фойникә (русчасы: Финикия) иленең башкаласы; русчасы: Тир.} җәзасыз калдырмам:
10 Сур диварларын утка чорнармын,
аның кальгаларын ялкын ялмап алыр».

11 Раббы болай ди:

«Җинаять өстенә җинаять эшләгән,
рәхим-шәфкать белмичә,
кылычын күтәреп, кардәшен эзәрлекләгән,
ачуы һаман дөрләп,
ярсуы һаман янып торган Эдомны җәзасыз калдырмам:
12 Теманны ^{▼▼ Теман – Эдом илендәге төбәк.} утка чорнармын,
Босра ^{▼▼ Босра – Эдом иленең төньягында урнашкан шәһәр.} кальгаларын ялкын ялмап алыр».

13 Раббы болай ди:
«Җинаять өстенә җинаять эшләгән,
үз илләренең чикләрен киңәйткән чакта,
Гилыгадта йөкле хатыннарның карыннарын ярган
аммониләрне җәзасыз калдырмам:
14 Рабаһның ^{▼▼ Рабаһ – аммониләрнең башкаласы.} диварларына ут салырмын,
ялкын ялмап алыр аның кальгаларын –
ул көн сугыш гөрелтесе астында,
давыллы көндә купкан өермә эчендә узар.
15 Патшалары сөрген китәр,
аның түрә-идарәчеләре дә китәр», – ди Раббы.