Hos 3 | TatIBT15 | STEP | Раббы миңа әйтте: – Бар, ире сөйгән хәлдә башкалар белән зина кылучы хатыныңа мәхәббәтеңне тагын да белдер. Бүтән илаһларга табынып, шуларның йөземле көлчәләрен яраткан Исраил халкын Раббы ничек сөйсә, син дә үзеңнең хатыныңны шулай сөй.

‏ Hosea 3

Һошея һәм аның хыянәтчел хатыны

1 Раббы миңа әйтте:

– Бар, ире сөйгән хәлдә башкалар белән зина кылучы хатыныңа мәхәббәтеңне тагын да белдер. Бүтән илаһларга табынып, шуларның йөземле көлчәләрен ^{▼▼ Илаһларга багышлап китерелгән йөземле көлчәләр турында сүз бара.} яраткан Исраил халкын Раббы ничек сөйсә, син дә үзеңнең хатыныңны шулай сөй.

2 Шулай итеп, унбиш шәкыл ^{▼▼ Шәкыл – 10 гр.} көмеш вә бер ярым хомер ^{▼▼ Хомер – ашлык-ярма, он үлчәү берәмлеге, 200 л.} арпа түләп, мин аны үземә алдым. 3 Мин аңарга әйттем:

– Минем янда озак вакытлар яшә, зина кылма һәм башкалар белән уйнашлык итмә, мин дә сиңа карата шундый мөнәсәбәттә булырмын, – дидем.

4 Әнә шулай итеп, Исраил угыллары да байтак вакытлар дәвамында патшасыз, җитәкчесез, корбансыз, таш баганасыз һәм йорт илаһларысыз яшәячәк. 5 Шуннан соң Исраил угыллары үзләренең Раббы Алласын вә патшалары Давытны эзләячәк һәм Раббы кылган игелекләр хакына киләчәктә курку-хөрмәт белән Аңа кайтачак.