Isa 21 | TatIBT15 | STEP | Диңгез буендагы чүл турында әйтелгән пәйгамбәрлек сүзе. Нәгебтә дулаган өермә сыман, чүлдән, куркыныч илдән килә ул.

‏ Isaiah 21

Бабилнең җиңелүе турында пәйгамбәрлек сүзе

1 Диңгез буендагы чүл турында әйтелгән пәйгамбәрлек сүзе.

Нәгебтә ^{▼▼ Нәгеб – Кәнган җиренең көньягында урнашкан чүл-дала.} дулаган өермә сыман, чүлдән, куркыныч илдән килә ул.
2 Миңа куркыныч бер вәхи ^{▼▼ …вәхи… – Яһүд телендәге төп нөсхәдә сүзгә-сүз: илаһи күренеш.} килеп иреште:
«Хыянәтче сата, талаучы талый.
Элам, һөҗүмгә бар! Мадай, камап ал!
Бабил китергән барлык аһ-зарга Мин чик куячакмын!»
3 Боларны күреп, тәнемне авырту биләп алды,
бала табучы хатындай газап кичердем.
Ишеткән бар нәрсәм мине куркуга салды,
күргән бар нәрсәм котымны алды.
4 Йөрәгем калтырады, бөтен тәнем дер-дер килде;
элек мин көтеп алган эңгер-меңгер вакыт
минем өчен коточкыч бер нәрсәгә әйләнде.

5 Табыннар корылган, келәмнәр җәелгән: аш мәҗлесе бара…
Торыгыз, гаскәрбашлары, калканнарыгызны майлагыз!

6 Чөнки Хуҗа-Хаким миңа болай диде:

«Бар, күзәтче куй, күргәннәрен әйтә барсын.
7 Пар ат җигелгән арбаларны,
ишәкләргә һәм дөяләргә атланган җайдакларны күргәч,
игътибарлы булсын ул, тырышып күзәтсен!»
8 Шунда күзәтче ^{▼▼ …күзәтче… – Яһүд телендәге төп нөсхәдә сүзгә-сүз: арыслан.} кычкырды:
«Хакимем, күзәтү манарасында мин көнозын торам,
төннәрен дә урынымнан китмим.
9 Менә күрәмен: пар ат җигелгән арбаларда ирләр килә!»
Шуннан соң күзәтче:
«Төшерелде, бәреп төшерелде Бабил!
Илаһларының барлык сыннары җимерелде,
алар җирдә аунап ята!» – диде.

10 Әй ындырда суктырылган халкым минем!
Күкләр Хуҗасы Раббыдан, Исраил Алласыннан нәрсә ишетсәм,
сезгә шуны җиткердем.

Эдом турында әйтелгән пәйгамбәрлек сүзе

11 Думаһ ^{▼▼ Думаһ – яһүдчә «тынлык, тынычлык» мәгънәсендә. Биредә бу исем Эдом иле өчен кулланыла.} турында әйтелгән пәйгамбәрлек сүзе.

Миңа Сәгыйрьдән ^{▼▼ Сәгыйрь – Эдомның икенче исеме.}: «Әй сакчы, төн әле күпмегәчә сузылачак?
Күпмегә сузылачак ул, әй сакчы?» – дип кычкыралар.
12 Сакчының җавабы шундыйдыр:
«Таң атып килә, ләкин әле төн дәвам итә.
Әгәр инде күбрәк беләсегез килсә, кабат килеп сорагыз».

Гарәпләр җире турында әйтелгән пәйгамбәрлек сүзе

13 Гарәпләр җире турында әйтелгән пәйгамбәрлек сүзе.

Әй деданиләр ^{▼▼ Деданиләр – гарәпләрнең бер кабиләсе, Ибраһимның икенче хатыны Кытураның нәсел варислары.} кәрваны,
гарәпләр җирендәге әрәмәләрдә төн кунарсың!
14 Тейма ^{▼▼ Тейма – гарәпләр җиренең төньягында урнашкан төбәк.} җирендә яшәүчеләр,
шул сусаганнарга су алып килегез, шул качакларга икмәк китерегез!
15 Чөнки алар кылычтан качалар,
кынысыннан чыккан кылычтан,
киерелгән җәядән, дәһшәтле сугыштан кача алар.

16 Хуҗа-Хаким миңа болай диде:

– Ялланып эшләгән кеше елларны төгәл санаган кебек, нәкъ өч ел үтүгә, Кыдарның ^{▼▼ Кыдар – Исмәгыйльнең икенче углыннан барлыкка килгән һәм гарәпләр җиренең төньяк өлешендә яшәгән кабилә.} барлык шөһрәте юкка чыгачак. 17 Укчылардан, Кыдар сугышчыларыннан, бик азы гына исән калачак.

Исраилнең Раббы Алласы әнә шулай дип әйтте.