Psa 22 | TatIBT15 | STEP | Раббы – минем көтүчем, Ул мине мохтаҗлыкта калдырмас.

‏ Psalms 22

Давытның мәдхиясе.

1 Раббы – минем көтүчем,
Ул мине мохтаҗлыкта калдырмас.
2 Мул-куе үләнле болыннарда йөртер,
талгын сулы елгалар буенда ял иттерер.
3 Җаныма ныклык бирер,
Үз исеме хакына мине хак-туры юллардан җитәкләр.
4 Караңгы үзәнгә барып керсәм дә,
хәвеф-хәтәрдән курыкмам,
чөнки янымда Син бар!
Көтүче таягың вә юл таягың кулыңдадыр,
шуңа күрә җаным тыныч минем.

5 Дошманнарым күз алдында Син миңа табын җәйдең,
башыма хуш исле май сөрттең ^{▼▼ …башыма хуш исле май сөрттең… – «Мине хөрмәтле кунак иттең» дигән мәгънәдә.};
мөлдерәмә тулы минем касәм.
6 Шулай, Синең игелегең, мәрхәмәтең
хәятем дәвамынча мине җитәкләп йөртер.
Раббы йорты гомер бакый минем йортым булыр.