Psalms 28
Давытның мәдхиясе. 1И илаһи затлар ▼▼ …илаһи затлар… – Яһүд телендәге төп нөсхәдә сүзгә-сүз: Аллаһы угыллары.
, Раббының шөһрәтен вә көч-кодрәтен таныгыз!2Раббы исеменең данын таныгыз,
гаҗәеп изгелек иясе Раббыга сәҗдә кылыгыз!
3Раббының авазы,
шөһрәтле Аллаһы гөрелтесе, сулар өстендәдер;
Раббы зур сулар өстеннән гизә.
4Раббының авазы гайрәтле,
Раббының авазы мәһабәтле!
5Раббының авазы эрбет агачларын сындыра,
Ливан эрбетләрен йолкып аудара.
6Ливан тауларын Ул – үгез бозау,
Сирион тауларын кыргый яшь үгез сыман сикертә.
7Раббының авазы ут-ялкын очкыннары чәчрәтә,
8Раббының авазы чүл өстен тетрәтә,
Раббының авазы Кадыш чүлен дер селкетә.
9Раббының авазы таза имәннәрне сыгылдыра ▼
▼ Яһүд телендә әлеге юл «Раббының авазы ана боланнарны вакытыннан алда бозауларга мәҗбүр итә» дигәнне дә аңлатырга мөмкин.
,урманнарның яшел киемнәрен чишендерә.
Раббының йортында һәммәсе:
«Раббы данлыклы!» – дип әйтер.
10Раббы дәрья сулар өстендәге тәхетендә утыра,
Үз тәхетендә Ул мәңгелек патша булып утыра.
11Раббы Үз халкына көч-куәт биреп торыр,
аның исән-имин яшәвен мөбарәк кылыр!
Copyright information for
TatIBT15