Psa 86 | TatIBT15 | STEP | Корах угылларының җыр-мәдхиясе.

‏ Psalms 86

1 Корах угылларының җыр-мәдхиясе.

2 Иерусалимне Ул изге таулар өстенә корган.
Ягъкубның барлык шәһәрләреннән
артыграк ярата Раббы Сион капкаларын.
3 Мактаулар күп әйтелә синең хакта, Аллаһы каласы!

4 Раббы әйтте:
«Раһаб ^{▼▼ Раһаб – биредә: Мисыр.} белән Бабил Мине танып белүчеләр дип исәплим.
Әнә, Пелешет, Сур һәм Хәбәшстан шунда ^{▼▼ …шунда… – Ягъни Иерусалимдә.} туган».
5 «Һәммәсе шунда туган», –
дип әйтер кешеләр, Сионны телгә алып.
Аллаһы Тәгалә аны Үзе ныгыткандыр.
6 Халыклар исемлеген төзегәндә, Раббы һәр халык турында:
«Монысы да шунда туган!» – дип язар.

7 Җырчылар, биючеләр беравыздан:
«Тормыш чыганагым Синдәдер!» – диярләр.