Luk 9:43-45 | Tausug | STEP | Na, nahaylan tuud in tau katān pagkita' nila sin kusug sin kawasa sin Tuhan.

Luke 9:43-45

43 Na, nahaylan tuud in tau katān pagkita' nila sin kusug sin kawasa sin Tuhan.

Mamichara hi Īsa Magbalik Pasal sin Kamatay Niya

(Mat. 17:22-23; Mrk. 9:30-32)

Na, ha sa'bu sin manga tau katān masi namān nag'iinu-inu pasal sin manga katān nahinang hi Īsa, namung hi Īsa ha manga mulid niya, laung niya, 44 “Ayaw niyu kalupahi in hibayta' ku bihaun kaniyu! In aku amu in Anak Mānusiya' masuuk na hiungsud pa lawm lima sin manga tau.” 45 Sagawa' wala' kiyahātihan sin manga mulid niya in maana sin bichara niya, sabab in yan līlibun dayn kanila bat nila di' kaingatan. Iban mabuga' isab sila mangasubu kan Īsa sin pasal yan.