Psa 8 | TelTSA | STEP | యెహోవా, మా ప్రభువా, భూలోకమంతట మీ నామం ఎంతో ప్రభావవంతమైనది! మీరు ఆకాశాల్లో మీ మహిమను ఉంచారు.

‏ Psalms 8

సంగీత దర్శకునికి. గిత్తీతు రాగములో పాడదగినది. దావీదు కీర్తన.

1 యెహోవా, మా ప్రభువా,
భూలోకమంతట మీ నామం ఎంతో ప్రభావవంతమైనది!

మీరు ఆకాశాల్లో
మీ మహిమను ఉంచారు.
2 చిన్నపిల్లల చంటిబిడ్డల స్తుతుల ద్వారా,
మీ శత్రువుల పగవారి నోరు మూయించడానికి
మీ శత్రువులకు వ్యతిరేకంగా మీరు బలమైన కోటను స్థాపించారు.
3 మీ చేతి పనియైన
మీ ఆకాశాలను,
మీరు వాటి వాటి స్థానాల్లో ఉంచిన
చంద్ర నక్షత్రాలను నేను చూసినప్పుడు,
4 మీరు మానవులను జ్ఞాపకం చేసుకోడానికి వారు ఏపాటివారు?
మీరు నరపుత్రుని గురించి శ్రద్ధ చూపడానికి అతడు ఎంతటివాడు?

5 మీరు వారిని ^{▼▼లేదా అతన్ని} దేవదూతల ^{▼▼లేదా దేవుని} కంటే కొంచెం తక్కువగా చేశారు,
మహిమ ఘనతను వారికి ^{▼▼లేదా అతనికి} కిరీటంగా పెట్టారు.
6 మీ చేతిపనుల మీద వారికి అధికారం ఇచ్చారు;
మీరు సమస్తాన్ని అనగా:
7 – 8 గొర్రెలన్నిటిని, ఎడ్లన్నిటిని,
అడవి జంతువులను,
ఆకాశ పక్షులను, సముద్రంలో చేపలను,
సముద్ర మార్గంలో తిరిగే ప్రాణులను
వారి పాదాల క్రింద ఉంచారు.

9 యెహోవా, మా ప్రభువా,
భూమి అంతట మీ నామం ఎంతో ఘనమైనది!