Rev 13 | TmfSC | STEP | Asvet’o lhta aktepo nemmen lhema kaselha nevhak nengai’o nkek, 7 lhta apqatko’ok, moklhem’a lhta nhan nnangkok apqatko’ok anak alelqasemmalhka m’a altaqnonkoma Eniapom Neten. 10 alhta nhan nkapet’ok, 10 alhta nhan aknaktetemmalhka nko’ok ma’a.

‏ Revelation of John 13

Hanet kaselha nevhak nengai’o

1 Asvet’o lhta aktepo nemmen lhema kaselha nevhak nengai’o nkek, 7 lhta apqatko’ok, moklhem’a lhta nhan nnangkok apqatko’ok anak alelqasemmalhka m’a altaqnonkoma Eniapom Neten. 10 alhta nhan nkapet’ok, 10 alhta nhan aknaktetemmalhka nko’ok ma’a. 2 Malha lhta kemhava kaselha nevhak nengai’o m’a, amankok alhto ka malha oso nak, atong alhto kanhan malha iama akmeiva. Ka menasma lhta akiavai’a nkanke lhta akmovana kakpota nhan aktanema aveske, kanhan akiavai’a akientalhnemo. 3 Avanhek anke lhta akiensema lhema apqatek kaselha nevhak nengai’o lhta m’a, mmak’a lhta nkotsepok, koka nne lhta aktaqmelkaskesakho akiensema m’a. Avanhek anke lhta alpelapkeskama lhamakho enenlhet apkelvet’o m’a, apkelieplakhe lhta nhan ma’a. 4 Apkelteklhengke lhta aptapno’ok lhepop naqtek menasma akiavai’a lhta aniem’o apkellai’o, lhta songkek aiangko akientalhnemo m’a kaselha nevhak alhta nengai’o. Ka apkelteklhengko lhta nhan aptapno’ok naqtek ma’a kaselha nevhak alhta, lhta aptangkok:

—Avanhek ankek akietnema akientalhnemo qaselha nevhak anak nengai’o, mamma nhan avanko nkammelhek —lhta aptangkok ma’a.

5 Nne lhta nhan angkoho akvannangka akiavai’a nkek Eniapom Neten apvesai’a m’a kanhan aktaknongkoma. Nne lhta nhan angko akientalhnemo akmak’akha la nkolana akvakmo 42 pelten. 6 Nkeliatakke lhta m’a ammelho akpaivoma Eniapom Neten kakpota nhan apnemakha akpokkenammalhka. Nkeliatakke lhta nhan alammelho apkellelto apkakhaikamok ma’a neten. 7 Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet’ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha. 8 Asvet’o lhta nhan apkelteklhengko aptapno’ok naqtek ma’a kakpota ellahok akvesai’a aplhamakho enenlhet’avok lhmankek ham apkellelto mankolhnaikamok apkelvesai’a vakkahak alanemmalhko sekhek ankek tep nak nanek lhmankek ham. Ka vakkahak anak ma’a akto akiennaktema enneniek apankok ma’a Nepkesek Apketkok apto lhta nhan apmatnama.

9 ¡Eltaqmelkaso no apkellailhemo apaiko’ok anak! 10 Nnek alpokkeno enenlhet kakpota elhatmakpok nenmammalhkelha m’a, ngkolhek hata aklhatmo m’a nemmammalhkelha. Nnek na alpokkeno kakpota etekio’ok akieplomo pelettav akvenaktema, etekio’ok hata pelettav akvenaktema annapma m’a.

Hata m’a elvetakpok apkeliennaktema apanke kanhan meliaskeiam apkellelto nak apkelpokkenammap.

11 Netamen, asvet’o lhta mokhom mo’ok kaselha nevhak nengai’o, ntepke lhta aiseksek lhepop. Nietne lhta hanet apet’ok ma’a malha lhta niekhe nepkesek anak apkenno apkapet’ok, koka malha lhta nhan menasma akiavai’a akpaivoma m’a. 12 Nte lhta aveske naqtek kaselha nevhak nengai’o amanie lhta akteiapma, mmaikama lhta nhan akientalhnemo ankok ma’a. Nkeleltave lhta lhamakho enenlhet’avok elteklhengkok aptapno’ok naqtek kaselha nevhak nengai’o amanie lhta akteiapma, akto lhta nhan nema aktaqmelkeskaiam akiavai’a akiensema. 13 Nkelan’a lhta nhan akiavai’a qaselha mongenatkeskama m’a, mpalesakme lhta talha neten napaqtavek enenlhet’avok ma’a. 14 Nkeliennenkaske lhta aplhamakho enenlhet’avok aniem’o allanai’a qaselha mongenatkeskama, nemo lhta aiangkoho naqtek ma’a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m’a kaselha nevhak akiavai’a lhta akiensaskama pelettav akvenaktema, aktaqmanveiam alhta nhan ma’a. 15 Nne lhta ankok akmovana m’a alhaie lhta akteiapma kakpota nkovatepnapok nema akietkeskamo lhta akiokha alanemmalhka m’a amanie lhta akteiapma kakpota nkoliatama m’a. Nkoltok ngkolhek annapo apkellelto la melteklheikamok aptapno’ok naqtek ma’a. 16 Nkeleltave lhta nhan nkonaktalhaksek mongenatkeskama alqama ankok akieto akiennakha apmek nlho ka la paihakha napa’at nematkak, apkeliav’o, nema apkelletsekama, metka apkelletsekama, nema allasennaikama nema apkelianmoma kakpota nhan metnangko nema apkelianmoma, aplhamakho apanke enenlhet’avok lhmankek ham. 17 Mankollapvanke lhta nhan enmankok qaselha kakpota nhan metlhankek apanko’ok la’a apkellelto metko la mongenatkeskama alqama apiempeiok, nlho ka nhan akvesai’a kakpota nhan alqama ankok akvesai’a.

18 Koka alqama lhta ankok kaselha nevhak nengai’o 666, koka alqama nak aniem’o m’a enenlhet. Nkaimelhkek ngkoitek nema neniamo engankek kakpota angelanekhak nelietsatekha alqama nak ma’a.