1Ch 20 | TukCyr16 | STEP | Яз паслында, патышаларың йөрише гидйән дөври Ёвап гошуны алып, йөрише чыкып, Аммон юрдуны күл-пеекун этди, соң гелип, Рабаны габады. Эмма Давут Иерусалимде галыпды. Ёвап Рабаның үстүне хүҗүм эдип, оны дерби-дагын этди.

‏ 1 Chronicles 20

Давут Раба галасыны басып аляр

1 Яз паслында, патышаларың йөрише гидйән дөври Ёвап гошуны алып, йөрише чыкып, Аммон юрдуны күл-пеекун этди, соң гелип, Рабаны габады. Эмма Давут Иерусалимде галыпды. Ёвап Рабаның үстүне хүҗүм эдип, оны дерби-дагын этди. 2 Давут Аммон патышасының башындан алтын тәҗини алды; онуң аграмы ики путды ^{▼▼Ики пут – еврейче бир киккар. Бу такм. 34 кг деңдир.}, онуң йүзүне гымматбаха даш отурдыланды. Оны Давудың келлесине гейдирдилер. Давут галадан көп мукдарда олҗа-да алды. 3 Галаның халкыны болса Давут галадан гөчүрип, олары бычгы, демир кәтмен хем-де палта билен ишленилйән ишлерде гойды. Ол аммонлыларың әхли галаларында шейле эденден соң, әхли гошун билен биле Иерусалиме доланды.

Пилиштлилере гаршы сөвеш

(2 Шамувел 21:18-22)

4 Шондан соң Гезерде пилиштлилер билен уруш башлады. Шонда хушалы Сибекай ири адамларың неслинден болан Сипай диен бирини өлдүрди. Пилиштлилер боюн эгдилер. 5 Пилиштлилер билен ене уруш болды. Ягырың оглы Элханан гатлы Җалудың доганы Лахмыны өлдүрди. Лахмының найзасының сапы докмачының түтеси ялы ёгынды. 6 Гат галасында ене уруш болды. Ол ерде ене пилиштлилериң ири неслинден эллеридир аяклары алты-алтыдан йигрими дөрт бармаклы шиллиң узын бири барды. 7 Ысрайыла сөгендиги себәпли, Давудың доганы Шимганың оглы Ёнатан Рапа неслинден болан бу адамы өлдүрди. 8 Буларың дөрдүси-де Гатың рапаларындандылар. Олар Давудың хем-де онуң эсгерлериниң элинден өлдүлер.