‏ 1 Chronicles 4

Яхуданың несиллери

1Яхуданың огуллары: Перес, Хесрон, Кармы, Хур ве Шобал.

2Шобалың оглы Реяядан Яхат, Яхатдан Ахумай ве Лахат догулды. Булар Соргалыларың уругларыдыр.

3– 4Эфратың новбахар оглы, Бейтуллахамы эсасландыран Хуруң огуллары шуларды: Эйтам, Пенувал ве Эзер. Эйтамың огуллары шуларды: Йизрегел, Йышма ве Йыдбаш. Оларың аял доганының ады Хаслелпоныды. Пенувал Гедоры эсасландырыпды, Эзер Хушаны эсасландырыпды.

5Текованың какасы Ашхурың Хела хем-де Нагара атлы ики аялы барды. 6Ашхурың Нагара диен аялындан Ахузам, Хепер, Темени ве Хахаштары догулды. Булар Нагараның огулларыды. 7– 8Хеланың огуллары: Зерет, Сохар, Этнан ве Кос. Кос Анубың ве Хасобебабың какасыды. Харумың оглы Ахархелиң несли-де Косдан гелип чыкандыр.

9Ягбес атлы адам барды; ол доганларының арасында иң абрайлысыды. «Агыры билен догурдым» дийип, эҗеси онуң адына Ягбес ▼

▼Еврейче Ягбес ве агыры сөзлериниң айдылышы меңзешдир.

дакды. 10Ягбес: «Мени ялкасадың, мениң чәклерими гиңелтседиң, мениң билен болуп, мени азапдан ве яманлыкдан горасадың» дийип, Ысрайылың Худайына дилег этди. Худай онуң ислегини ерине етирди.

11Шуханың доганы Келупдан Мехир, Мехирден Эштон догулды. 12Эштондан Бейтрапа, Пасея хем-де Ирнахаш галасыны эсасландыран Техинна догулды. Булар Реканың илатыды.

13Кеназың огуллары: Отниел, Серая. Отниелиң оглы: Хатат ве Мегонотай. 14Мегонотайдан Опра догулды. Серая Хүнәрментлер җүлгесини дөреден Ёвабың какасыды. Көп хүнәрментлериң яшаяндыгы үчин бу ере шейле ат дакылды.

15Епуннәниң оглы болан Калебиң огуллары: Ыру, Эла ве Нагам. Эладан Кеназ догулды.

16Ехаллелелиң огуллары: Зип, Зипа, Тиря ве Асарел.

17Эзраның огуллары: Етер, Мерет, Эпер ве Ялон. Мередиң мүсүрли аялындан: Меръем, Шаммай ве Эштемова галасыны эсасландыран Йышба догулды. 18Мередиң мүсүрли аялы фараоның гызы Битяды. Онуң яхудалы аялындан Гедоры эсасландыран Ерет, Соконы эсасландыран Хебер билен Занованы эсасландыран Екутыел догулды.

19Ходыяның аялы болан Нахамың аял доганының огулларындан гармлы Кегила билен магакатлы Эштемова догулды.

20Шимоның огуллары: Амнон, Ринна, Бенханан ве Тилон.

Йишгиниң огуллары: Зохет ве Бензохет.

Шелахың несиллери

21Яхуданың оглы Шеланың несиллери шулардыр: Леканы эсасландыран Эр, Марешаны эсасландыран Лагда, Бейташбеядакы непис зыгыр мата докаянларың уругы, 22Ёкымың, Козебаның адамлары, Ёваш хем-де Сараф. Олар Мовап билен Яшублехеме хәким болдулар. Булар гадымы вакалардыр. 23Булар Нетагымың хем-де Гедераның илатларыды. Олар патыша күйзегәр болуп хызмат этдилер.

Шимгоның несиллери

24Шимгоның огуллары: Немувал, Ямын, Ярып, Зера, Шавул. 25Шавулдан Шаллум, Шаллумдан Мибсам, Мибсамдан Мишма догулды. 26Мишманың огуллары: Мишмадан Хаммувал, Хаммувалдан Закур, Закурдан Шимги догулды. 27Шимгиниң он алты оглы, алты гызы барды, йөне онуң доганларының перзенди көп дәлди. Шейдип, Шимгиниң несиллери Яхуданыңкы ялы көпелмеди. 28– 29– 30– 31Олар Беершебада, Моладада, Хасаршугалда, Билхада, Эсемде, Толатда, Бетувалда, Хормада, Зиклагда, Бейтмаркаботда, Хасарсусымда, Бейтбиргиде ве Шагарайымда яшадылар. Ине, шулар шимгилериң Давут патыша болмазындан өңки галаларыды. 32Оларың обалары: Эйтам, Айын, Риммон, Токен, Ашан – җеми бәш гала. 33Бу галаларың төверегиндәки Багала ченли болан обалары оларың месген тутан ерлеридир. Олар несил дарагтыны яздылар. 34Оларың уругбашылары шуларды: Мешобап, Ямлек, Амазяның оглы Ёша, 35Ёвел, Асыелиң човлугы Сераяның агтыгы Ёшыбяның оглы Еху, 36Элёгейнай, Ягакоба, Ешохая, Асая, Адыел, Ешимиел, Беная, 37Шемагяның говлугы, Шимриниң ювлугы, Едаяның човлугы, Аллоның агтыгы, Шипгиниң оглы Зиза. 38Шу атлары боюнча агзаланлар уругбашылардыр.

Оларың несиллери җуда көпелди. 39Олар өз сүрүлерине өри гөзләп, Гедора ве җүлгәниң гүндогар тарапына ченли барып етдилер. 40Олар отлук, говы өри мейданларының үстүнден бардылар; бу ер гаты гиң, асуда хем рахатды. Өң бу ерде хамлар отурыпдылар. 41Шу атлары языланлар Яхуда патышасы Хизкияның дөврүнде гелип, өз чадырларында болан хамлара ве мегунылара хүҗүм эдип, олары бүс-бүтинлей гырып ёк эдип, оларың ерлеринде орнашдылар, себәби ол ерде сүрүлери үчин өри мейдан барды. 42Шимгонларың бир бөлеги – эркек кишилериниң бәш йүзүси Йишгиниң огуллары Пелатяның, Негаряның, Репаяның хем-де Узыелиң баштутанлыгында Сегир дагына гитдилер. 43Олар амалеклериң гачып, дири галанларыны гырдылар; олар шу гүне ченли шол ерде яшап гелйәрлер.