1 Corinthians 2
1Эй, доганлар, мен сизе Худай барадакы шаятлыгы ыглан этмәге баранымда, дилеварлык я сөз даналыгы билен бармандым. 2Мен сизиң араңыздакам, Иса Месихден ве Онуң хача чүйленмегинден башга әхли зады унутмагы йүрегиме дүвүпдим. 3Мен яныңыза баранымда эҗиздим, горкудан яңа галпылдаярдым. 4Мен вагыз эденимде сизи ынандырмак үчин пайхаслы сөзлери уланмадым. Сизи ынандыран зат Худайың Рухуның аян болан гүйҗүди. 5Бу сизиң иманыңызың ынсан пайхасына дәл-де, Худайың гүйҗүне даянмагы үчинди.Худайың даналыгы Мукаддес Рух аркалы аян боляр
6Хава, биз даналыгы кәмиллериң арасында вагыз эдйәрис. Бизиң вагыз эдйән даналыгымыз бу эйямың я-да дүнйәдәки вагтлайын, соңы пуч болян ыгтыярлыларың даналыгы дәлдир. 7Биз Худайың сырлы, яшырын сакланылан даналыгыны сөзлейәрис. Худай бу даналыгы бизиң хем Онуң шөхратына шәрик болмагымыз үчин, оны дүнйә ярадылмаздан өң ниетләпди. 8Бу даналыга дүнйә ыгтыярлыларының хич бири дүшүнмеди. Чүнки дүшүнен болсадылар, шөхратлы Ребби хача чүйлемездилер. 9 aЭмма Мукаддес Язгыларда язылышы ялы: «Худайы сөййәнлер үчинОнуң тайынлан затларыны
не гөз гөрүпди, не-де гулак эшидипди,
не-де ынсан акылы чаклапды».
10Бизе болса Худай бу даналыгы Өз Рухы аркалы аян этди. Чүнки Мукаддес Рух әхли зады, хатда Худайың чуң пикирлерине дүшүнйәндир. 11Ынсаның пикирлерини онуң ичиндәки өз рухундан башга хич ким билмейәр. Худай бабатда хем шейле: Онуң Өз Рухундан башга хич ким Худайың пикирлерини билйән дәлдир. 12Биз бу дүнйәниң рухуны алан дәлдирис. Биз Худайың Өз мерхемети аркалы бизе эчиленлерине дүшүнеримиз ялы, Худайың Рухуны аландырыс. 13Биз булары ынсан даналыгының өвреден сөзлери билен дәл-де, Мукаддес Рухуң өвреден сөзлери билен айдярыс. Биз рухы хакыкаты рухы сөзлер билен дүшүндирйәрис ▼
▼Биз рухы хакыкаты рухы сөзлер билен дүшүндирйәрис – я-да Биз рухы затлары Руха эерйән адамлара дүшүндирйәрис.
. 14Мукаддес Руха эермейән ынсан Худайың Рухундан болан затлара дүшүнмейәр. Ол булары акмаклык сайяр. Чүнки Мукаддес Рухуң пикирлерине диңе Оңа эерйәнлер дүшүнйәндирлер. 15Мукаддес Руха эерйән адам хемме зада баха берип билйәр, эмма башгалар бу адама баха берерден эҗиздир. 16 c«Реббе ким акыл етирди?Ким Оңа маслахат берип билди?»
Эмма бизде велин Иса Месихиң акылы бардыр.
Copyright information for
TukCyr16