1Pe 5 | TukCyr16 | STEP | Мен Месихиң чекен эҗирлериниң шаяды ве Онуң аян болҗак шөхратының шәриги хөкмүнде араңыздакы өзүм ялы ёлбашчылардан шулары хайыш эдйәрин:

‏ 1 Peter 5

Яшулулара ве яшлара өвүт-үндевлер

1 Мен Месихиң чекен эҗирлериниң шаяды ве Онуң аян болҗак шөхратының шәриги хөкмүнде араңыздакы өзүм ялы ёлбашчылардан шулары хайыш эдйәрин: 2 чопанларың өз сүрүсине середиши ялы, сиз хем Худайың өзүңизе ынананлары барада алада эдиң. Муны меҗбуры дәл-де, мейлетинлик билен эдиң. Олара бетнебислик билен дәл-де, улы хөвес билен гөзегчилик эдиң. 3 Гол астыңыздакылара агалык этмезден, ягшы гөрелде гөркезиң. 4 Шейле этсеңиз, Баш Чопан аян боланда, солмаз шөхрат тәҗини аларсыңыз.

5 ^aЭй, яшлар, сиз хем яшулулара табын болуң. Хеммәңиз бири-бириңиз билен песпәл болуң, себәби «Худай текепбирлере гаршыдыр, эмма песпәл адамлара мерхемет эдйәндир». 6 Худай сизи вагты геленде бейгелдер ялы, Онуң гудратлы голы астында өзүңизи пес тутуң. 7 Әхли гайгы-аладаңызы Худая табшырың, себәби Ол сизиң гамхоруңыздыр. 8 Хүшгәр ве оя болуң. Душманыңыз иблис арлайҗы арслан ялы айланып, авуны агтарып йөрендир. 9 Дүнйәниң әхли еринде доганларыңызың хем хут шунуң ялы эҗирлере дучар боляндыкларыны билйәндигиңиз үчин, берк иман билен иблисе гаршы дуруң. 10 Бол мерхемет эчилйән Худай сизи Месих аркалы Өз эбеди шөхратына чагырды. Сиз дурмушда эҗир чекйән болсаңыз хем, Ол сизи дикелдер, беркидер, гүйчлендирер ве сарсмаз бина эдип гурар. 11 Гүйч-гудрат эбедилик Онуңкы болсун! Омын.

Хошлашык сөзи

12 Бу гысга хатымы сизе садык доганым Силван ^{▼▼Силван – бу Силасың бейлеки ады.} аркалы яздым. Мунуң билен сизи рухландырып, Худайың хакыкы мерхеметине шаятлык этдим. 13 Сизиң ялы сайланып-сечилен Бабылдакы йыгнак ве доганымыз Марк сизе салам айдяр. 14 Бири-бириңизи мәхирли огшап саламлашың. Месихе дегишли болан сизиң хеммәңизе парахатлык яр болсун! ^{▼▼Кәбир голязмаларда Омын диен сөз хем бар.}