2 Chronicles 17
Яхуда патышасы Ехошапат
1Асаның оглы Ехошапат онуң ерине патыша болды. Ол Ысрайыла гаршы гүйч топлады. 2Ол Яхуданың эсасы галаларының әхлисинде гошун гойды. Какасы Асаның басып алан галалары болан Эфрайым галаларында гошун ерлешдирди. 3– 4Реб Ехошапат биленди, себәби ол какасының овалкы ёлларындан йөреди. Ехошапат Багалы агтарман, какасының Худайыны агтарды, Онуң табшырыкларына гулак гойды, Ысрайылың ёлуна эермеди. 5Шонуң үчин хем Реб онуң патышалыгыны беркитди. Әхли яхуда халкы Ехошапада салгыт төледи. Ол гаты бай хем ат-абрайлыды. 6Ехошапат Реббиң ёлундан йөремеклиге йүреги билен берленди. Ол Яхудадакы сеждегәхлери ве Ашера бутларыны ёк этди. 7Патышалыгының үчүнҗи йылында Ехошапат Яхуданың шәхерлеринде халка тәлим берсинлер дийип эмелдарларындан Бенхайылы, Абадяны, Закаряны, Натаниели ве Микаяны иберди. 8Левилерден Шемагя, Нетаня, Зебадя, Асахел, Шемирамот, Ёнатан, Адоныя, Тобыя, Тобадоныя хем-де руханылар Элишама, Ехорам олар билен гитдилер. 9Олар Яхудада тәлим бердилер. Янларына Реббиң канун китабыны алып, Яхуданың әхли шәхерлерине айланып, халка тәлим бердилер. 10Яхуданың төверегиндәки әхли юртларың патышалыкларына Реббиң горкусы аралашды. Олар Ехошапада гаршы уруш этмедилер. 11Пилиштлилериң кәбирлери Ехошапада совгатлар, салгыт үчин күмүш гетирдилер; араплар хем еди мүң еди йүз гоч ве еди мүң еди йүз эркеч гетирдилер. 12Ехошапат гитдигисайы гүйчленйәрди. Ол Яхудада галалар ве аммар шәхерлерини гурды. 13Ол Яхуда шәхерлеринде бейик ишлери этди. Онуң Иерусалимде сөвешиҗилери ве батыр йигитлери барды. 14Уругларына гөрә оларың саны шуларды: Яхуданың мүңбашылары: серкерде Адна үч йүз мүң батыр йигит билен, 15ондан соң серкерде Ехоханан ики йүз сегсен мүң эсгер билен, 16ондан соң Зикриниң оглы Эмася, Реббиң мейлетин хызматкәри ики йүз мүң батыр йигит билен. 17Беняминлерден: батыр йигит Эляда ики йүз мүң яйдыр галкан билен ярагланан эсгер билен, 18ондан соң Ехозабат урша тайяр йүз сегсен мүң эсгер билен. 19Булар патышаның бүтин Яхудадакы галаларында ерлешдирен эсгерлеринден дашары патыша хызмат эдйән эсгерлерди.
Copyright information for
TukCyr16