Heb 3 | TukCyr16 | STEP | Шонуң үчин хем, эй, мениң билен биле Худай тарапындан чагырылан мукаддес доганлар, әхли ой-пикириңиз Исада болсун! Ол Худайың Ресулы ве бизиң ыкрар эдйән Баш Руханымыздыр.

‏ Hebrews 3

Иса Мусадан бейикдир

1 Шонуң үчин хем, эй, мениң билен биле Худай тарапындан чагырылан мукаддес доганлар, әхли ой-пикириңиз Исада болсун! Ол Худайың Ресулы ве бизиң ыкрар эдйән Баш Руханымыздыр. 2 Мусаның Худайың өйүнде садык хызматкәр болшы ялы, Иса хем Өзүни руханылыга беллән Худая садык болды. 3 Өй гуран адамың өе гаранда хас хорматлы болшы ялы, Иса-да Муса гаранда хас бейик шөхрата мынасып болды. 4 Хер бир өй кимдир бири тарапындан бина эдилйәндир, эмма әхли задың бинагәри Худайдыр. 5 Муса гелҗекде аян эдилҗек сөзлере шаятлык этмек үчин, хызматкәр кимин Худайың өйүне садык болды. 6 Эмма Месих Худайың өйүне Огул хөкмүнде садыкдыр. Эгер гайратымызы ве магтанян умыдымызы сакламагы ^{▼▼Сакламагы – кәбир голязмаларда ахырына ченли сакламагы.} башарсак, биз Худайың өйүдирис.

Имандан дәнмәң

7 ^bШонуң үчин Мукаддес Рухуң айдышы ялы: «Бу гүн сиз Мениң сесими эшитсеңиз,
8 Маңа баш галдыран аталарыңыз дей йүрегиңизи гататмаң.
Оларың Мени чөлде сынайшы ялы доңйүрек болмаң.
9 – 10 Кырк йыллап эден ишлерими гөрселер-де,
ол ерде аталарыңыз Мени сынап гөрдүлер.
Шонуң үчин Мен бу несле газапланып дийдим:
„Оларың йүреги хемише Менден узакдыр,
Мениң ёлларымдан йөрейән дәлдирлер“.
11 Шоңа гөрә, олар дынчлык меканыма гирмезлер дийип,
Өз газабымда Мен касам этдим».

12 Эзиз доганлар, хабардар болуң! Сизиң хич бириңизде яман ниетли, имансыз йүрек болмасын, булар сизи дири Худайдан дашлашдырмасын. 13 Терсине, хер гүни «Бу гүн» дийип хасаплап, бири-бириңизи рухландырың. Шейдип, сизиң хич бириңиз гүнәниң торуна дүшүп, доңйүрек болмаң. 14 Биз овал-башдакы ынамымызы соңуна ченли берк сакласак, Месих билен шәрикдеш болярыс. 15 ^cОзал айдылышы ялы: «Бу гүн сиз Мениң сесими эшитсеңиз,
Маңа баш галдыран аталарыңыз дей йүрегиңизи гататмаң».

16 ^dОнуң сесини эшидибем питне турзанлар кимлерди? Эйсем булар Мусаның Мүсүрден чыкаранлары дәлмиди? 17 ^eХудай кырк йыллап киме газапланды? Гүнә эденлере дәлми нәме? Оларың җесетлери чөлде серилди. 18 Худай: «Олар дынчлык меканыма гирмезлер» дийип, кимлер хакда касам этди? Өзүне табын болмаян адамлар хакда дәлми нәме? 19 Шейлеликде, биз оларың ынанмандыклары зерарлы вада берлен ере гирип билмәндиклерини гөрйәрис.