Heb 4 | TukCyr16 | STEP | Худайың дынчлык меканына гирмек хакындакы вадасы хенизем гүйҗүни саклаяндыр. Шонуң үчин-де, хүшгәр болуң, араңыздан хич ким дынчлык меканына гирмекден махрум болмасын.

‏ Hebrews 4

Худайың дынчлык меканы

1 Худайың дынчлык меканына гирмек хакындакы вадасы хенизем гүйҗүни саклаяндыр. Шонуң үчин-де, хүшгәр болуң, араңыздан хич ким дынчлык меканына гирмекден махрум болмасын. 2 Эдил ысрайыл халкына вагыз эдилиши ялы, Хош Хабар бизе-де вагыз эдилди. Оларың эшиден хабарының олара хич бир пейдасы болмады, себәби олар муны иман билен кабул этмедилер. 3 ^aБиз болса иман эдендигимиз үчин, дынчлык меканына гирерис. Иман этмедиклер хакда болса Худай шейле дийди: «Шоңа гөрә, олар дынчлык меканыма гирмезлер дийип,
Өз газабымда Мен касам этдим».

Ол бу ериң хатда дүнйә ярадылалы бәри тайын эдилендигини айтды. 4 ^bБиз онуң тайындыгыны билйәрис, себәби Сабат гүни хакда Мукаддес Язгыларың бир еринде: «Худай единҗи гүн әхли ишини тамамлап дынч алды» дийип языландыр. 5 ^cЭмма ене ёкарда айдыланлар гайталаняр: «Олар дынчлык меканыма асла гирмезлер».

6 Шонда-да кәбир адамлар үчин ол ере гирмәге хенизем мүмкинчилик бардыр, бу мекан хакда илкинҗи эшиденлер Худая боюн эгмәндиклери себәпли, оңа гирмекден махрум болдулар 7 ^dКөп йыллардан соңра Худай «Бу гүн» диен ене бир гүни белләп, бу хакда Давут аркалы озал айдылышы ялы гепледи: «Бу гүн Онуң сесини эшитсеңиз, йүрегиңизи гататмаң». 8 Эгер Ешува олары дынчлык меканына етирен болсады, онда Худай мундан соң башга гүн барада сөз ачмазды. 9 Шунлукда, Худайың халкына Сабат гүни ялы йөрите бир дынчлык гарашяр. 10 Худай Өз ишлеринден дынып, нәхили дынч алан болса, Онуң дынчлык меканына гирен адам хем өз ишлеринден дынып, шейле дынч аляндыр. 11 Шонуң үчин, гелиң, шол дынчлык меканына гирмек үчин җан эделиң. Хич ким ысрайыл халкы ялы Худая битабынлык эдип, дынчлыкдан махрум болмасын.

12 Худайың сөзи җанлы хем тәсирлидир, хер бир ики йүзли гылычдан кесгирдир. Ол җан билен рухы, богунлар билен йилиги икә бөлйәндир. Калбыңдакы әхли пикирлери ве ниетлери аян эдйәндир. 13 Худайдан гизлин ярадылан хич зат ёкдур, Онуң назарында әхли зат ачык ве месе-мәлимдир. Биз Оңа хасабат бермелидирис.

Иса – Баш Руханымыз

14 Шейлеликде, ыкрар эден иманымызы берк саклалың! Чүнки бизиң гөге чыкып, Худайың хузурына баран бейик Баш Руханымыз бар. Ол Худайың Оглы ^{▼▼Худайың Оглы – Көне Әхтде бу ат патышалар үчин уланылярды. Тәзе Әхтде болса бу ат Худай тарапындан сайланып-сечилен диймеги аңладяр. Сөзлүге серет.} Исадыр. 15 Баш Руханымыз асла гүнә этмедик хем болса, эдил биз ялы әхли тарапдан сынаглара салныпды. Шонуң үчин хем Ол бизиң эҗизликлеримизе дүшүнйәр. 16 Гелиң, мерхеметли Худайың тагтына батыргайлык билен голайлашалың. Шонда Ол мерхемет эдип, зерур вагтда бизе ярдам берер.