Hos 1 | TukCyr16 | STEP | Яхудада Узыяның, Ётамың, Ахазың хем Хизкияның, Ысрайылда Еховаш оглы Яробгамың патышалык эден дөврүнде, Беериниң оглы Хошея Реббиң сөзи аян болды.

‏ Hosea 1

1 Яхудада Узыяның, Ётамың, Ахазың хем Хизкияның, Ысрайылда Еховаш оглы Яробгамың патышалык эден дөврүнде, Беериниң оглы Хошея Реббиң сөзи аян болды.

Ысрайыл бивепалык эдйәр

2 Хошея Реббиң сөзүниң башлангыҗы: Реб Хошея: «Гит-де, зынагәр аяла өйлен.
Ол саңа башга эркеклерден чага догруп берер.
Чүнки бу юрт Ребден дашлашып, бүтинлей зына эдйәр» диыди.

3 Онсоң Хошея гидип, Диблайымың гызы Гомере өйленди. Ол гөврели болуп, Хошея үчин бир огул догурды. 4 Реб оңа айтды: «Оглуң адына Йизрегел ^{▼▼Йизрегел – серет: 2Пат 9:14-37.} дак,
чүнки аз вагтдан Йизрегелиң ганы үчин,
Ехуның неслине җеза берерин,
Ысрайыл патышалыгыны тамамларын.
5 Шол гүн Йизрегел дересинде
Ысрайылың яйыны дөверин».
6 Гомер ене-де гөврели болуп, гыз догурды.
Реб Хошея айтды: «Гызың адына Лорухама ^{▼▼Лорухама – бу сөз рехим ёк диймеги аңладяр. Серет: Мср 34:6.} дак,
чүнки мундан буяна Ысрайыл өйүне рехим эдип гүнәлерини гечмерин.
7 Яхуда өйүне велин рехим эдерин.
Мен олары яй, гылыч, уруш, атлар я атлыларың үсти билен дәл-де,
өзлериниң Худайы Реббиң гүйҗи билен халас эдерин».

8 Гомер Лорухаманы сүйтден айрансоң, гөврели болуп, огул догурды. 9 Реб Хошея шейле дийди: «Адына Логаммы ^{▼▼Логаммы – бу сөз Мениң халкым дәл диймеги аңладяр. Серет: Мср 6:7.} дак.
Чүнки сиз-ә Мениң халкым дәл,
Менем сизиң Худайыңыз дәлдирин.

Ысрайыл Худай билен ярашяр

10 Ысрайыл огуллары деңиз кенарындакы чәге ялы сан-саҗаксыз
ве мөчберсиз көп болар.
Олара: „Сиз Мениң халкым дәлсиңиз“дийлен ерде,
„сиз дири Худайың огулларысыңыз“дийлер.
11 Яхуда ве Ысрайыл халклары яңадан бирлешер,
өзлерине бир баш белләп, юртда гүлләрлер.
Чүнки Йизрегелиң гүни бейик болар».