Isaiah 35
Мукаддес ёл
1Чөл-бееван ве гуры ер шатланар,чөл гуванып, неркес кимин гүлләр.
2Гүл-пүрчүк болар ол,
шатлыкдан, гуванчдан яңа нагма айдар.
Ливаның гөзеллиги,
Кармелиң, Шароның гөрки берлер оңа.
Олар Реббиң шөхратыны,
Худайымызың шан-шөхратыны гөрерлер.
3Эҗиз голлара гуҗур бериң,
кувват бериң эҗиз дызлара.
4Товшанйүреклилере:
«Гайрата галың! Горкмаң!
Ине, Худайыңыз өч алмага гелйәр,
Ол мынасып хак билен гелип,
сизи халас эдер» дийиң.
5Шонда көрлериң гөзлери,
керлериң гулаклары ачылар;
6Агсаклар кейик кимин бөкҗекләрлер,
лал диллер шатлыкдан айдым айдарлар;
дүзден сувлар,
чөлден чешмелер чогуп чыкар;
7Гызгын гум ховдана,
тешне топрак сув булакларына өврүлер;
шагалларың месген тутан мейданына
гамыш, гаргы гамыш битер.
8Ол ерде шаёл болар,
оңа Мукаддес Ёл дийлер;
харам адам ондан гечмез,
ол диңе шол Ёла голай яшаянларыңкы болар,
хатда акмаклар-да ол ёлдан азашмаз.
9Арслан болмаз ол ерде,
йыртыҗы хайван ол ёла чыкмаз,
олар онда тапылмаз,
бу ёлдан диңе халас эдиленлер йөрәрлер.
10Реббиң азат эденлери ыза доланарлар,
айдым айдып, Сиона ▼
▼Сион – бу Иерусалимиң бейлеки ады. Сөзлүге серет.
гайдып гелерлер;эбеди шатлыга говшар олар,
бегенчден, шатлыкдан доларлар,
гайгыдыр гам-гусса ёк болар.
Copyright information for
TukCyr16