Jeremiah 47
Пилиштлилер хакындакы пыгамберлик
1Фараоның Газаны еңмезинден өң, пилиштлилер хакында Ермея Реббиң шу сөзи аян болды: 2«Реб шейле диййәр: „Демиргазыкдан сувлар җошуп,деря кимин долуп-дашар-да,
юрды ве ондакы әхли затлары,
шәхери хем яшайҗыларыны басар.
Адамлар дады-перят эдерлер,
юрдуң бүтин халкы ахы-нала чекер.
3Даяв атларың тойнак сесинден,
сөвеш арабаларының такырдысындан,
тигирлериниң сеслеринден яңа
эллери тапдан дүшен аталар өврүлип,
чагаларына ярдам бермезлер.
4Чүнки әхли пилиштлилериң ёк эдилҗек гүни гелер.
Сура билен Сидона көмек эдип билҗек
аман галанларың әхлиси ёк эдилер.
Реб Капторың кенарында аман галан
пилиштлилери дерби-дагын эдер.
5Газа сачыны ёлар,
Ашкелон сус болар.
Эй, барҗа аман галанлар,
хачана ченли өзүңизи яралаҗак?
6Эй, Реббиң гылыҗы!
Сен хачана ченли көшешҗек дәл?
Гыныңа гир, ынҗал-да, асуда бол.
7Реб оңа табшырык беренсоң,
ол нәдип көшешсин?
Ол оны ол ере – Ашкелона,
деңиз кенарына гаршы ёллады“».
Copyright information for
TukCyr16