‏ Job 40

Реб сөзүни довам эдйәр

1Реб харасадың ичинден шейле җогап берди: 2«Эркек кимин билиңи берк гуша,
сени сораг этҗек, Маңа җогап бер.

3Мени адалатсызлыкда айыплаҗакмы сен?
Өзүңи акламак үчин Мени хөкүм этҗекми инди?
4Худайың гүйҗи ялы гүйҗүң бармы?
Онуңкы ялы гүңлеч сесиң бармы?
5Өзүңи шан-шөхрат ве белент мертебе билен безе,
шөхрат ве хормат донуны гей.
6Мөвч алян газабыңы дөк,
текепбирлере бакып, олары боюн эгдир.
7Текепбирлере гарап, олары дыза чөкер,
эрбетлери дуран ерлеринде мынҗырат.
8Хеммесини биле топрага гөм,
олары габырда багла.
9Шонда саг элиңиң сени халас эдип билҗегини
Мен-де боюн аларын.

10Ине, Бәхемоса ▼

▼Бәхемос – бизе мәлим болмадык әпет хайван.

серет,
сени ярадышым кимин, оны-да Мен яратдым,
ол өкүз кимин от иййәр.
11Гөр, онуң билинде нәхили гүйч бар,
гарнындакы мускуллары нәхили гүйчли!
12Гуйругыны кедр агаҗы кимин саллаяр,
будуның сиңирлери өрүм-өрүмдир.
13Сүңклери бүрүнч турбалар кимин,
гапыргалары демир гөзенеклери киминдир.
14Бәхемос Худайың бейик ишлериниң арасында иң аҗайыбыдыр,
диңе Яраданы оңа гылыч билен голайлашып билер.
15Байырлар онуң отлагыдыр,
ол ерде хайванлар яйнашярлар.
16Ол гырымсы агачлар астында,
гамышлык билен өртүлен батгалыкда ятяр.
17Гырымсы агачлар үстүне көлеге саляр,
дерәниң сөвүтлери оны гуршаяр.
18Деря җошса-да, ол эйменмез,
Иордан дашып, агзына-бурнуна гелсе-де, ол асла әвмез.
19Ким оны гарбак билен тутуп билҗек?
Ким чеңңек билен онуң бурнуны дешип билҗек?
20Ливятаны ▼

▼Ливятан – деңиз аждархасы. Сөзлүге серет.

чеңңек билен тутуп билермиң?
Я-да онуң дилине сыртмак салып билермиң?
21Бурнундан йүп гечирип билермиң?
Я-да әңинден чеңңеги өтүрип билермиң?
22Ол саңа ялбарып-якарармыка?
Ширин сөзлери билен сени ырармыка?
23Өзүни эбедилик гулуң эдериң ялы,
сең билен әхт баглашармыка?
24Гуш билен ойнайшың ялы онуң биленем ойнармыкаң?
Оны гызларыңа гүйменҗе эдип баглап билермиң?
25Тәҗирлер оны алып-сатып билермикәлер?
Сөвдагәрлер оны өз араларында пайлашып билермикәлер?
26Дерисини найза билен,
келлесини балыкчыларың гадалгасы билен дешим-дешим эдип билермиң?
27Оңа элиңи дегрип гөр, ол саңа гөз гөркезмезмикә,
сен оны икиленч гайталамарсың.