John 18:19-24
Баш руханы Исаны сораг эдйәр
(Матта 26:59-66; Марк 14:55-64; Лука 22:66-71)
19Баш руханы Исадан Онуң шәгиртлери ве таглыматы барада сораярды. 20Иса оңа җогап берип: «Мен дүнйә әхли зады ач-ачан айтдым. Әхли яхудыларың йыгнанян синагогаларында ве ыбадатханада хемише өвретдим, гизлинликде хич зат айтмадым. 21Нәме үчин Менден сораярсың? Нәме айданымы эшиденлерден сора. Олар Мениң нәме диеними билйәндирлер» дийди. 22Бу затлары айдып болансоң, шол ерде дуран гаравулларың бири Исаның дулугына бир шапбат чалып: «Баш рухана шейле җогап берйәрсиңми?» дийди. 23Иса оңа: «Мен нәдогры айдан болсам, мунуң нәдогрудыгыны субут эт. Эгер догры айдан болсам, онда нәме үчин Мени урярсың?» дийди. 24Онсоң Ханан Исаның элини даңдырып, Оны баш руханы Каяфаның янына иберди.
Copyright information for
TukCyr16