Jon 2 | TukCyr16 | STEP | Шондан соң Реб улы бир балыга Юнусы ювутмагы эмр этди. Юнус үч гиҗе-гүндизләп балыгың гарнында болды.

‏ Jonah 2

1 Шондан соң Реб улы бир балыга Юнусы ювутмагы эмр этди. Юнус үч гиҗе-гүндизләп балыгың гарнында болды.

Юнусың догасы

2 – 3 Соңра Юнус балыгың гарнындан өз Худайы Реббе йүзленип, шейле дога окады: «Җебир чекенимде, я Реб, чагырдым Сени.
Җогап бердиң маңа.
Өлүлер диярының гойнундан чагырдым Сени,
эшитдиң Сен наламы.
4 Чуңлуга, деңизлериң багрына ташладың мени.
Гуршады сувлар мени.
Әхли гүйчли толкунларың
үстүмден гечди мениң.
5 Шонда назарыңдан ковулдым дийдим,
я Реб, Сениң мукаддес ыбадатханаңы
ене нәдип гөрерин дийдим.
6 Сув кекирдегиме гелди.
Есир дүшдүм чуңлуга.
Башыма чолашды деңиз отлары.
7 Индим дагларың дүйбүне.
Гапылары бакы япылян ере дүшдүм.
Йөне, эй, Худайым Реб, җанымы чуңлукдан халас этдиң.
8 Я Реб, җандан умыт үзенимде, Сени чагырдым.
Өз мукаддес ыбадатханаңда сөзүми эшитдиң.
9 Пуч бутлара сыгынанлар
өз вепалылыгыны терк этдилер.
10 Мен велин алкышлы айдымлар билен
Саңа гурбанлык берерин.
Касамымы берҗай эдерин.
Гутулыш Ребдендир».

11 Реб балыга эмр этди. Балык Юнусы гуры ере гусды.