Luk 9:57-62 | TukCyr16 | STEP | Ёлда баряркалар, бир адам Иса: «Нирә гитсең , мен хем Сениң ызыңа дүшҗек» дийди.

‏ Luke 9:57-62

Исаның ызына эермек

(Матта 8:19-22)

57 Ёлда баряркалар, бир адам Иса: «Нирә гитсең ^{▼▼Нирә гитсең – кәбир голязмаларда Я Реб! Нирә гитсең.}, мен хем Сениң ызыңа дүшҗек» дийди. 58 Иса оңа: «Тилкилериң сүрени, гушларың хөвүртгеси бардыр, йөне Ынсан Оглуның башыны гояра-да ери ёкдур» дийди. 59 Башга бирине: «Мениң ызыма дүш» дийди. Эмма ол: «Агам, ругсат эт, өңүрти гидип, какамы җайлайын» дийди. 60 Эмма Иса оңа: «Гой, өлүлерини өлүлериң өзлери җайлаберсинлер, йөне сен гит-де, Худайың Шалыгыны вагыз эт» дийди. 61 Ене бириси: «Агам! Сениң ызыңа дүшейин, йөне ругсат бер, өңүрти машгалам билен хошлашайын» дийди. 62 Иса оңа: «Элине азалы алансоң ызына середйән адам Худайың Шалыгына мынасып дәлдир» дийди.