Mar 1:1-8 | TukCyr16 | STEP | Бу Худайың Оглы Иса Месих хакдакы Хош Хабарың башлангыҗыдыр.

‏ Mark 1:1-8

Яхя чүмдүриҗиниң вагзы

(Матта 3:1-12; Лука 3:1-18; Ёханна 1:19-28)

1 Бу Худайың Оглы ^{▼▼Худайың Оглы – Көне Әхтде бу ат патышалар үчин уланылярды. Тәзе Әхтде болса бу ат Худай тарапындан сайланып-сечилен диймеги аңладяр. Сөзлүге серет.} Иса Месих ^{▼▼Месих – еврейлер бу сөзи Худай тарапындан вада берлен Патыша бабатында уланярдылар. Сөзлүге серет.} хакдакы Хош Хабарың башлангыҗыдыр. 2 ^cИшая пыгамбериң китабында ^{▼▼Ишая пыгамбериң китабында – кәбир голязмаларда Пыгамберлериң китабында.} шейле язылан: «Өңүңден ёл тайярлар ялы, ине, Мен Өз векилими иберйәрин. 3 ^e Чөлде бир сес гыгыряр: „Реббе ёл тайынлаң! Онуң ёдаларыны дүзләң!“диййәр». 4 Шунлукда, Яхя пейда болуп, чөлде адамлары сува чүмдүрйәрди. Ол адамлара гүнәлериниң багышланмагы үчин тоба эдип, сува чүмдүрилмеклерини вагыз эдйәрди. 5 Тутуш Яхудыяның ве Иерусалимиң илаты онуң янына гелйәрди. Олар гүнәлери үчин тоба эдип, Яхя тарапындан Иордан дерясында сува чүмдүрилйәрдилер. 6 Яхяның дүе йүңүнден эшиклери, билинде гайышдан гушагы барды. Ол чекиртге билен мейдан балыны иййәрди. 7 Ол: «Менден соңра Гелҗек менден хас гүйчлүдир. Мен эглип, Онуң чарыгының багыны чөзмәге-де мынасып дәлдирин. 8 Мен сизи сува чүмдүрйәрин, эмма Ол сизи Мукаддес Руха чүмдүрер» дийип вагыз эдйәрди.