Neh 7 | TukCyr16 | STEP | Ине, дивар өрүлип, гапылар ерине отурдылды, дервезебанлар, айдымчылар, левилер белленди.

‏ Nehemiah 7

1 Ине, дивар өрүлип, гапылар ерине отурдылды, дервезебанлар, айдымчылар, левилер белленди. 2 Онсоң мен доганым Хананы билен галаның серкердеси Хананяны Иерусалиме хәким эдип белледим. Чүнки ол ынамдар адам болуп, көплере гаранда, Худайдан хас гаты горкярды. 3 Мен олара шейле табшырык бердим: «Гүн гызянча, Иерусалимиң дервезелери ачылмасын. Гүн яшан чагы, энтек дервезебанлар нобатчылыкдан гитмәнкәлер, гапылары гулпласынлар. Иерусалимиң илатындан гаравуллар гоюң; оларың кәбири өз горамалы ерлеринде ве бейлекилери болса өз өйлериниң өңүнде болсунлар».

Сүргүнден гайдып геленлериң санавы

(Эзра 2:1-70)

4 Шәхер гиң хем улуды, эмма онуң ичиндәки илат велин азды, җайлар салынманды. 5 Онсоң несиллери боюнча хасаба алмак үчин беглери, баштутанлары ве халкы үйшүрмеги Худайым йүрегиме салды. Мен есирликден илкинҗи доланып геленлериң несиллери билен гечирилен илат язувыны гөзләп тапдым. Онда шулар языланды: 6 Бабыл патышасы Небукаднесар тарапындан есир алнып, Бабыла сүргүн эдиленлериң несиллеринден Иерусалимдәки ве Яхудадакы өз галаларына гайдып геленлери, ине, шуларды: 7 Зерубабыл, Ешува, Нехемя, Азаря, Рагамя, Нахаманы, Мордекай, Билшан, Мисперет, Бигвай, Нехум ве Багана дагы билен гелдилер.

Ысрайыл халкының эркек адамларының саны: 8 Парошың несиллери: ики мүң бир йүз етмиш ики адам; 9 Шепатяның несиллери: үч йүз етмиш ики адам; 10 Араның несиллери: алты йүз элли ики адам; 11 Ешуваның ве Ёвабың неслинден – Пахатмовабың несиллери: ики мүң секиз йүз он секиз адам; 12 Эйламың несиллери: бир мүң ики йүз элли дөрт адам; 13 Затуның несиллери: секиз йүз кырк бәш адам; 14 Закайың несиллери: еди йүз алтмыш адам; 15 Биннуйың несиллери: алты йүз кырк секиз адам; 16 Бебайың несиллери: алты йүз йигрими секиз адам; 17 Азгадың несиллери: ики мүң үч йүз йигрими ики адам; 18 Адоныкамың несиллери: алты йүз алтмыш еди адам; 19 Бигвайың несиллери: ики мүң алтмыш еди адам; 20 Адиниң несиллери: алты йүз алтмыш бәш адам; 21 Атериң, ягны Хизкияның несиллери: тогсан секиз адам; 22 Хашумың несиллери: үч йүз йигрими секиз адам; 23 Безайың несиллери: үч йүз йигрими дөрт адам; 24 Харыбың несиллери: бир йүз он ики адам; 25 Гибгоның несиллери: тогсан бәш адам; 26 Бейтуллахамың ве Нетопаның яшайҗылары: бир йүз сегсен секиз адам; 27 Анатодың яшайҗылары: бир йүз йигрими секиз адам; 28 Бейтазмаведиң яшайҗылары: кырк ики адам; 29 Кирятегарымың, Кепираның ве Бееродың яшайҗылары: еди йүз кырк үч адам; 30 Раманың ве Гебаның яшайҗылары: алты йүз йигрими бир адам; 31 Микмашың яшайҗылары: бир йүз йигрими ики адам; 32 Бейтелиң ве Айың яшайҗылары: бир йүз йигрими үч адам; 33 Бейлеки Небоның яшайҗылары: элли ики адам; 34 Бейлеки Эйламың несиллери: бир мүң ики йүз элли дөрт адам; 35 Харымың несиллери: үч йүз йигрими адам; 36 Ерихоның несиллери: үч йүз кырк бәш адам; 37 Лодуң, Хадыдың ве Ононың несиллери: еди йүз йигрими бир адам; 38 Сенаның несиллери: үч мүң докуз йүз отуз адам.

39 Руханылар: Ешуваның ковумындан Едаяның несиллери: җеми докуз йүз етмиш үч адам; 40 Иммериң несиллери: бир мүң элли ики адам; 41 Пашхурың несиллери: бир мүң ики йүз кырк еди адам; 42 Харымың несиллери: бир мүң он еди адам; 43 левилер: Ходавяның несиллери, ягны Ешуваның ве Кадмыелиң несиллери: етмиш дөрт адам; 44 айдымчылар: Асафың несиллери бир йүз кырк секиз адам; 45 дервезебанлар: Шаллумың, Атериң, Талмоның, Акубың, Хатытаның, Шобайың несиллери: бир йүз отуз секиз адам; 46 ыбадатхана хызматкәрлери: Сиханың, Хасупаның, Табаготың, 47 Кейросың, Сиганың, Падоның, 48 Лебананың, Хагабаның, Шалмайың, 49 Хананың, Гидолың, Гехарың, 50 Реяяның, Ресиниң, Некоданың, 51 Газамың, Узаның, Пасеяның, 52 Бесайың, Мегунымың, Непусымың, 53 Бакбугың, Хакупаның, Хархурың, 54 Баслутың, Мехиданың, Харшаның, 55 Баркосың, Сисераның, Теманың, 56 Несияның, Хатыпаның несиллери; 57 Сүлейманың хызматкәрлериниң несиллеринден: Сотайың, Соперетиң, Периданың, 58 Ягланың, Дарконың, Гидолың, 59 Шепатяның, Хатылың, Покерет Хасебайымың ве Амоның несиллери. 60 Әхли ыбадатхана хызматкәрлериниң ве Сүлейманың хызматкәрлериниң несиллериниң җеми үч йүз тогсан ики адам болды.

61 Телмеладан, Телхаршадан, Керупдан, Адондан ве Иммерден чыканлар, йөне өз уругларыны, өз аслыны я-да өзлериниң Ысрайыла дегишлидиклерини субут эдип билмедиклер шуларды: 62 Делаяның, Тобыяның ве Некоданың несиллери: алты йүз кырк ики адам; 63 шейле хем руханылардан: Хобаяның несиллери, Хакосың несиллери ве гилгатлы Барзыллайың гызларындан аял алып, оларың ады билен атландырылан Барзыллайың несиллери. 64 Булар өз язгыларыны несиллери боюнча хасаба алнанларың арасындан гөзледилер, эмма тапып билмедилер. Шонуң үчинем олар галп руханылар хөкмүнде руханылыкдан чыкарылдылар. 65 Хәким олара Урымы ве Туммымы ^{▼▼Урым ве Туммым – Худайың ислегини билмек үчин руханылар тарапындан уланылян ики саны даш. Сөзлүге серет.} уланып билйән руханы тапылянча, иң мукаддес нахардан иймезлиги табшырды. 66 – 67 Еди мүң үч йүз отуз еди аялдыр эркек хызматкәрлери хем-де ики йүз кырк бәш эркек ве аял айдымчылары хасап этмәниңде, әхли халкың саны кырк ики мүң үч йүз алтмышды. 68 – 69 Оларың дөрт йүз отуз бәш дүеси ве алты мүң еди йүз йигрими саны-да эшеги барды. 70 Кәбир уругбашылар иш үчин пешгешлер бердилер. Хәким хазына йигрими гадак ^{▼▼Йигрими гадак – еврейче бир мүң дарик. Бу такм. 8,5 кг деңдир.} төвереги алтын, элли леген, бәш йүз отуз лай руханы эшигини берди. 71 Кәбир уругбашылар болса гурлушык газнасына секиз ярым батман ^{▼▼Секиз ярым батман – еврейче йигрими мүң дарик. Бу такм. 170 кг деңдир.} төвереги алтын, алтмыш бәш батман ^{▼▼Алтмыш бәш батман – еврейче ики мүң ики йүз мина. Бу такм. 1300 кг деңдир.} күмүш бердилер. 72 Халкың галан бөлегиниң берен затлары, секиз ярым батман төвереги алтын, элли секиз батман ^{▼▼Элли секиз батман – еврейче ики мүң мина. Бу такм. 1200 кг деңдир.} күмүш ве алтмыш еди лай руханы эшигинден ыбарат болды.

73 Руханылар, левилер, халкың кәбири, ыбадатхана дервезебанлары, айдымчылары, хызматкәрлери ве бүтин ысрайыл халкы өз галаларында орнашдылар.

Единҗи ай геленде, ысрайылларың хеммеси өз галаларындадылар.