‏ Proverbs 1

1Ысрайыл патышасы, Давут оглы Сүлейманың пәхимлери.
2Бу пәхимлер даналыгы ве өвүт-несихаты билмек,
пайхаслы сөзлериң манысына дүшүнмек үчиндир.

3Парасатлы хем-де догручыл болмак,
адыллык ве деңлик, өвүт-несихаты өзлешдирмек,

4садалара пайхас,
яшлара билим ве акыл бермек үчиндир.

5– 6Бу пәхимлере хем тымсаллара,
аталар сөзлерине ве маталларына дүшүнмек үчиндир.
Акылдарлар булары эшидип, билимини артдырсын,
дүшби адамлар сагдын маслахат алсын.

7Билимиң башлангыҗы – Ребден горкмаклык;
диңе акмаклар даналыгы хем өвүт-несихаты хар эдйәрлер.

8Диңле, оглум, атаңың несихатларыны,
энеңиң өвүтлеринден йүз өвүрме.

9Ол сениң башыңа аҗайып тәч,
бойнуңа монҗук болар.

10Эй, оглум, сени гүнәкәрлер аздырҗак болса ылалашма.

11Эгер олар: «Бизиң билен йөр.
Ган дөкмек үчин букуда гарашалы,
себәпсиз ере бигүнәни өлдүрели.

12Олары өлүлер дүнйәси ялы дирилигине,
габра иненлер дей тутушлайын ювудалың.

13Хер хили байлык тапарыс,
өйүмизи олҗадан долдурарыс.

14Әхлимиз үчин хорҗун бир болсун,
арамызда шәриклигимиз дең болсун» дийселер,

15эй, оглум, олар билен бир ёлдан йөреме,
оларың ёл-ёдасына гадам урма.

16Чүнки олар шере ковалашярлар,
ган дөкмәге ховлугярлар.

17– 18Гушуң гөзүниң өңүнде оңа тор гурмак пучдур.
Йөне букуда гарашянларың өз ганы дөкүлер,
букуда отыркалар, оларың алҗак җаны өз җаны болар.

19Оларың такдыры ▼

▼Такдыры – кәбир голязмаларда ёдалары.

шейле болар,
зулума гызыгып топлан байлыгы өз җаныны алар.

20Даналык көчеде гаты сесленйәр,
базар ерлеринде җар чекйәр.

21Җемендели ерлерде гыгыряр,
шәхер дервезесиниң агзында сөзлейәр:

22«Эй, наданлар, хачана ченли наданлыгы сөйҗексиңиз?
Масгаралайҗылар хачана ченли өз масгараламагындан кейп алҗаккалар?
Акмаклар хачана ченли билими йигренҗеккәлер?

23Мениң кәйинҗиме үнс берсеңиз,
рухумы үстүңизе дөкерин.
Мен сөзүми сизе билдирерин.

24Мен сизи чагырдым, мени рет этдиңиз;
элими узатдым, хич ким оңа үнс бермеди.

25Гайтам әхли маслахатымы рет этдиңиз,
мениң кәйинҗими дуймак ислемедиңиз.

26Мен-парасат бетбагтлыгыңыза гүлйәндирин;
сизи горкы басанда яңсыларын.

27Сизи горкы гай кимин басанда,
бетбагтлык харасат болуп иненде,
мушакгат хем гайгы башыңыза дүшенде,

28мени чагырарсыңыз, йөне мен җогап бермерин.
Мени ир эртирден агтарарсыңыз, эмма тапмарсыңыз.

29Чүнки олар билими йигрендилер,
Ребден горкмагы макул билмедилер.

30Мениң маслахатымы кабул этмедилер,
әхли кәйинҗими йигрендилер.

31Мунуң үчин олар тутан ёлларының мивесини иерлер,
өз пәллеринден тапарлар.

32Чүнки наданлар ёлдан чыкып өлерлер,
акмаклары гелеңсизлик хеләк эдер.

Мени диңләнлер парахат мекан тутарлар,
яманлыкдан горкман аман боларлар».
33