‏ Proverbs 30

1Массалы Якениң оглы Агурың ваҗып сөзлери
Шол адам Итиеле саргаяр,
Итиеле ве Укала шейле диййәр:

2Мен адам болардан самсык,
ынсан дүшүнҗеси менде ёк.

3Не даналыгы өврендим,
не Мукаддеси билдим.

4Ким гөге чыкып, ашак инди?
Ели овуҗында топлан ким?
Сувлары гейиминде оран ким?
Ким ериң әхли учларыны беркарар этди?
Онуң ады нәме? Онуң оглуның ады нәме?
Билйәңми нәме?

5Худайың хер бир сөзи сап хакыкатдыр.
Ол Өзүне сыгынянлара галкандыр.

6Онуң сөзлерине хич зат гошма,
саңа кәйинмесин, яланчы чыкайма.

7Мен Сенден ики зат диледим,
өлмәнкәм олары менден гайгырма:

8– 9Галплыгы, ялан сөзлүлиги менден даш эт,
мени гарып хем, бай хем этме.
Док болуп: «Реббим ким?» дийип,
Сени инкәр этмезим ялы,
гарыплыкда огурлык эдип,
Худайымың адына ыснат гетирмезим ялы,
етерлик пайымы бер мениң.

10Хызматкәри хоҗайынына яманлама,
ёгса саңа гаргыш эдер, сен языклы чыкарсың.

11Шейле адамлар бар, атасына гаргаяндыр,
энесине алкыш эдйән дәлдир.

12Шейле адамлар бар, өзүни тәмиз сайяндыр,
аслында болса харамлыкдан пәкленен дәлдир.

13Адамлар бар, бакышы шейле текепбир,
габаклары нәхили ёкары.

14Шейле адамлар бар,
ер йүзүнден гарыплары,
адамлар арасындакы мәтәчлери сымышламак үчин
дишлери гылыч, азылары пычакдыр.

15Сүлүгиң ики гызы бар:
«Бер! Бер!» дийип гыгыряр.
Үч зат бардыр, хич доймаз,
хас такыгы дөрт зат «Бесдир» диймез:

16Өлүлер дүнйәси, өнелгесиз ятгы,
сувдан ганмаян топрак,
«Бесдир» диймейән от.

17Атасыны масгаралап,
энесини диңлемән, хар эдйән гөзи
дере гаргалары чокар, бүргүтлер иер.

18Мени хайран галдырян үч зат бар,
догрусы дөрт зада акылым етмейәр:

19Гөкде бүргүдиң ёлы,
гаяда йыланың ёлы,
деңизде гәминиң ёлы,
йигидиң улугыза болан ёлы.

20Зына эдйән аялың ёлы-да шейледир:
Ол иййәндир, агзыны сүпүрип:
«Яман иш эдемок» диййәндир.

21Үч затдан ер сарсяндыр,
ягны дөрт зады гөтерип билмейәр:

22Гул патыша боланда,
акмак иймитден доянда,

23Халанмаян гарры гыз әре чыканда,
гырнак бикесиниң орнуны эеләнинде.

24Дүнйәде дөрт майда зат бар.
Йөне олар гаты акыллыдырлар:

25Гарынҗалар гүйчли җандар дәлдирлер,
азыгыны велин томусда тайярлаяндырлар.

26Гая торсуклары кувватсыз җандардыр,
йөне хинини гаяда гуряндыр.

27Чекиртгелериң патышасы ёкдур,
йөне әхлиси сап-сап болуп чыкяндыр.

28Келпезәни эл билен тутуп боляндыр,
йөне патышаларың көшгүнде боляндыр.

29Гадамы овадан үч зат,
догрусы йөриши овадан дөрт зат бардыр:

30Хайванларың иң батыры,
хич биринден гачмаян арслан.

31Магтанып йөрейән хораз ве теке,
гошуны янында болан патыша ▼

▼Гошуны янында болан патыша – я-да Патыша гаршы гозгалаң ёк.

.

32Эгер сен акмак болуп өзүңи өвсең
я яманлыгы ниет эден болсаң,
онда элиңи агзыңа тут.

Чүнки сүйди гысмакдан яг,
бурнуңы гысмакдан ган,
газабы гысмакдан дава чыкяндыр.
33