Psa 109 | TukCyr16 | STEP | Давудың мезмуры Худай реббиме шейле сөзледи: «Душманларыңы аяк астына салянчам, Мениң сагымда отур».

‏ Psalms 109

Давудың мезмуры

1 Худай реббиме ^{▼▼Худай реббиме – гадымы дөвүрде реб диен сөз Худая я-да патыша йүзлениленде уланылды. Сөзлүкде «Реб» сөзүне серет.} шейле сөзледи:
«Душманларыңы аяк астына салянчам,
Мениң сагымда отур».
2 Реб Сиондан ^{▼▼Сион – бу Иерусалим шәхериниң бейлеки ады. Сөзлүге серет.} узадар шалык хасаңы,
душманларыңа йөрет сен өз хөкүмиңи.
3 Сөвеш гүнүңде герчеклериң
мукаддес шөхрата бесленип, мейлетин болар,
яшлыгың сәхер чыгы дей доланып гелер.
4 Реб ант ичди, Ол ондан дәнмез:
«Мәликсадык дереҗесиндәки
мүдимилик руханысың сен».
5 Таңры сениң тарапдарыңдыр:
Ол газаба мүнен гүнүнде
шалары күл-пеекун эдер.
6 Реб миллетлере хөкүм чыкарар,
оларың юрдуны ләшлеринден долдурар.
Ол тутуш ериң йүзүнде
баштутанлары күл-пеекун эдер.
7 Сен болса ёлдакы чешмеден ичип,
өз башыңы белент тутарсың.