Psalms 11
1Айдымчылар топарының ёлбашчысына. Секиз киришли саз гуралында. Давудың мезмуры.2Халас эт, я Реб, садык адам галмады,
адамзат арасындан ынамдарлар йитирим болды.
3Олар бири-бирине ялан сөзлейәр;
яранҗаң диллери икигепли гүрлейәр.
4Гой, Реб әхли яранҗаң агызлары,
бадыхова гүрлейән диллери кессин.
5Олар шейле диййәр: «Дилимиз аркалы үстүн чыкарыс,
агыз өзүмизиңки – ким бизе хоҗайын чыкян?»
6Гарыпларың эзилишинден, мәтәчлериң ахындан яңа
Реб шейле диййәр: «Мен шу пурсат турарын,
олары күйсейән ховпсузлыгына говушдырарын».
7Реббиң сөзлери сап сөзлердир,
тоюн күресинде арассаланып,
еди гезек сапланан күмүш киминдир.
8– 9Эрбетлер гезйәр әхли ерлерде,
адамзат яманлыга хормат гоянда.
Я Реб, Сен бизе пена боларсың,
бизи бу адамлардан бакы горарсың.
Copyright information for
TukCyr16