Psalms 128
Зыярат нагмасы
1«Маңа яшлыгымдан бәри көп хүҗүм этдилер –– дийип, инди Ысрайыл айтсын. –
2Маңа яшлыгымдан бәри көп хүҗүм этдилер.
Йөне менден үстүн чыкмадылар.
3Сүрүмчилер мениң аркамы сүрдүлер,
олар узын кешлерини чекдилер».
4Эмма вепалы Реб
эрбетлериң танапларыны гырып ташлады.
5Сионы йигренйәнлериң әхлиси
гой, утанып, ызына дөнсүн.
6Гой, олар үчекде гөгерип,
гүллемәнкә солян от кимин болсун.
7Ондан оракчы гысымыны долдурмаз,
дессе богян гуҗагыны долдурмаз.
8«Чәҗиңе берекет!
Өмрүңе берекет!» дийип, өтегчи айтмаз.
Copyright information for
TukCyr16