Psalms 23
Давудың мезмуры
1Реббиңкидир ер ве ондакы затлар,әлем хем-де онда яшаянлар.
2Чүнки Ол деңизлер үстүнде ериң дүйбүни тутды
хем-де оны сувларың үстүнде гурды.
3Реббиң дагына ким чыкып билер?
Мукаддес өйүнде ким дуруп билер?
4Эллери пәк, йүреги-де ак,
көңлүни галплыга гөнүкдирмейән,
хиле билен касам этмейән ынсан.
5Ол Ребден алар ак пата,
халас эдйән Худайындан алар акланма.
6Оны – Якуп Худайының йүзүни агтарянларың
неслиндендир ол.
7Эй, дервезелер, башларыңызы галдырың!
Эй, гадымы гапылар, ёкары галың!
Шөхрат Шасы ичерик гирсин!
8Бу шөхрат Шасы ким?
Ребдир гүйчли, кувватлы,
Ребдир, сөвешдәки кувватлы.
9Эй, дервезелер, башларыңызы галдырың!
Эй, гадымы гапылар, ёкары галың!
Шөхрат Шасы ичерик гирсин!
10Бу шөхрат Шасы ким?
Ол – Хөкмүрован Реб ве шөхрат Шасы.
Copyright information for
TukCyr16