Psa 42 | TukCyr16 | STEP | Эй, Худай, Сен мени акла! Худайсыз миллетден алып бер мениң хакымы, хилегәр ве адалатсыз адамдан халас эт мени.

‏ Psalms 42

1 Эй, Худай, Сен мени акла!
Худайсыз миллетден алып бер мениң хакымы,
хилегәр ве адалатсыз адамдан халас эт мени.
2 Чүнки пена тутунян Худайым Сенсиң.
Сен нәме үчин мени терк этдиң?
Душман мени гысан вагтында,
нәме үчин гам-гуссалы гезмели?
3 Сен хакыкатыңы, нуруңы ибер,
гой, олар ёл гөркезсин маңа;
гой, олар мени әкитсин,
мукаддес дагыңа ве яшалгаңа.
4 Шонда Худайың гурбанлык сыпасына,
кейпикөклүгим болан Худайыма барарын.
Эй, Худай, мениң Худайым,
мен Саңа лирада ^{▼▼Лира – киришли саз гуралы. Сөзлүге серет.} өвги нагмасыны айдарын.
5 Эй, җаным, сен нәме үчин гамланяң?
Нәме үчин сен ичимде ыңраняң?
Умыдыңы Худая багла,
мен ене Оңа – Халасгәриме ве
Худайыма өвги айдарын.