Psa 57 | TukCyr16 | STEP | Айдымчылар топарының ёлбашчысына. «Хеләк этме» әхеңинде айдылян. Давудың миктамы.

‏ Psalms 57

1 Айдымчылар топарының ёлбашчысына. «Хеләк этме» әхеңинде айдылян. Давудың миктамы.
2 Эй, хөкүмдарлар, догрудан-да, адалатлы казылык эдйәңизми?
Сиз ынсан огулларына йүз гөрмезден хөкүм чыкаряңызмы?
3 Ёк! Сиз калбыңызда адалатсызлык дүзйәңиз,
эллериңиз зорлук сачяр ериң йүзүне.
4 Эрбетлер эне ятгысындан бәри догры ёлдан азашандырлар,
дүнйә иненлери бәри ялан сөзләп, ялңышяндырлар.
5 – 6 Олар алахөврен ялы зәхерлидирлер.
Олар өкде җадыгөйүң я-да
овсунчының җадылайҗы сесини эшитмейән
кер кепҗебаш ялы гулакларыны дыкярлар.
7 Эй, Худай, агызларында күл эт олаң дишини,
я Реб, оврат ёлбарсларың гыйык дишини.
8 Олар акып гидйән сув дек, гой, йитип гитсин,
окларыны ченәнлеринде уҗы күтелсин.
9 Гой, эрәп гиден балыкгулак дей болсун,
аялың дүшен чагасы дей гүнеш гөрмесин.
10 Олар бөвүрслен дей тикен чыкарманкалар,
гөк болсун, гуры болсун, гой, түвелей әкитсин.
11 Өч алнаныны гөренде догры ынсан шат болар,
эрбедиң ганында аякларыны ювар.
12 Ынсан диер: «Догрудан-да, догры ынсана сылаг бар экен!
Догрудан-да, дүнйә казылык эдйән Худай бар экен!»