Psa 75 | TukCyr16 | STEP | Айдымчылар топарының ёлбашчысына. Киришли саз гураллары үчин. Асафың мезмуры. Нагма.

‏ Psalms 75

1 Айдымчылар топарының ёлбашчысына. Киришли саз гураллары үчин. Асафың мезмуры. Нагма.
2 Худай Яхудада мешхурдыр,
Онуң ады Ысрайылда бейикдир.
3 Онуң чадыры Салимдедир ^{▼▼Салим – бу Иерусалим шәхериниң бейлеки ады.},
Онуң меканы Сиондадыр.
4 Ол шол ерде дөвди
отлы пейкамлары хем-де галканы,
гылыҗы хем-де сөвеш ярагларыны. Села
5 Сен нур дей шөхле сачярсың,
авлаглара бай болан даглардан дабаралысың.
6 Арслан йүреклилер олҗасыны алдырдылар,
олар бакы ука гитдилер.
Иң гүйчлүлериң хич бириниң-де
элини галдырмага гурбы чатмады.
7 Эй, Якубың Худайы, Сениң кәйинҗиңден
атлар, сөвеш арабалары доңуп галдылар.
8 Сен вехимлисиң!
Газаба мүнеңде ким дуруп билер?
9 – 10 Сен гөклерден ыглан этдиң карары;
ер йүзүниң әхли пукарасыны халас этмәге,
Сен казылык этмек үчин аяга галдың,
шонда ер йүзи эйменип, үмсүмлик болды. Села
11 Саңа өвги газандырар хатда ынсан газабы,
газабыңдан гутуланлар-да Саңа өвги айдарлар.
12 Бейик Худайыңыза садака айдың,
олары бериң,
төверегиндәкилериң бары вехимли Худая
совгат гетирсин.
13 Шазадаларың рухуны сындырян Олдур,
ер йүзүниң шаларына вехимли Олдур.