Psa 96 | TukCyr16 | STEP | Реб хөкүм сүрйәр, гой, ер шатлансын, хемме адалар, гой, бегенишсин.

‏ Psalms 96

1 Реб хөкүм сүрйәр, гой, ер шатлансын,
хемме адалар, гой, бегенишсин.
2 Онуң даш-төвереги – булут ве түмлүк,
тагтының дүйби – догрулык хем-де адыллык.
3 Онуң өңүнден от-алав йөрейәр,
төверекдәки душманларыны яндыряр.
4 Йылдырымлары дүнйәни ягтыландыряр,
ер йүзи гөрйәр хем галпылдаяр.
5 Даглар мум дек эрейәр Реббиң өңүнде –
тутуш ер йүзүниң Таңрысының өңүнде.
6 Гөклер Онуң догрулыгыны җар эдйәр.
Әхли халклар Онуң шан-шөхратыны гөрйәр.
7 Бидерек бутларына магтанып,
шекиллере сежде эдйәнлер утандырыляр.
Оңа тагзым эдиң, эй, әхли худайлар!
8 Я Реб, Сениң карарларыңы
Сион ^{▼▼Сион – бу Иерусалим шәхериниң бейлеки ады. Сөзлүге серет.} эшидип, шадыян боляр,
Яхуданың гызлары хем бегенйәр.
9 Я Реб, Сен ер йүзүнде иң бейигисиң,
әхли худайлардан беленде чыкарылансың.
10 Эй, Ребби сөййәнлер, яманлыгы йигрениң!
Ол садыкларының җанларыны аман саклаяр,
олары эрбет адамың элинден халас эйлейәр.
11 Нур догуляр догрулар үчин,
шадыянлык – йүреги догрулар үчин.
12 Эй, догрулар, Ребде шатланың,
мукаддес адына шүкүрлер эдиң.