Psalms 100
Давудың мезмуры
1Мен садыклык ве адалат барада нагма айдарын,я Реб, мен Саңа шатланып, нагма айдарын.
2Мен кәмиллик ёлундан йөрәрин.
Вах, хачан гелеркәң мениң яныма?!
Өйүмде йүрек кәмиллигинде яшарын.
3Гөз алнымда яман зада мен ёл бермерин,
гүнә этмеги мен йигренйәрин,
гүнә маңа янашмаз.
4Йүрек азгынлыгындан дашда боларын,
яманлыга шәрик болмарын.
5Гизлинликде якынына төхмет атаны вейран эдерин,
гөзи ер гөрмейәне, текепбир йүреклә чыдап билмерин.
6Юрдуң садыкларының маңа ёлдаш болары ялы,
мен олара мәхир билен гарарын.
Мениң гуллугымда
кәмиллик ёлунда гезйәнлер дурар.
7Хилегәрлик эдйән мең өйүмде яшамаз,
ялан сөзлейән гашымда дурмаз.
8Реббиң шәхеринден беткәрлери ковмаклык үчин,
сәхерсайын юртдакы эрбетлери вейран эдерин.
Copyright information for
TukCyr16