Psalms 121
Давудың зыярат нагмасы
1Маңа «Реббиң өйүне гидели»диенлеринде бегендим.
2Эй, Иерусалим!
дервезелериңден әтледи гадамларымыз!
3Иерусалим битеви бир шәхер дек бина эдилен.
4Ысрайыла берлен кануна гөрә,
тирелер, Реб тирелери
ол ере Реббе шүкүрлер этмәге гидйәр.
5Ол ерде казылык тагты –
Давут өйүниң тагты бина эдилен.
6– 7«Сени сөййәнлер аман яшасын!
Диварларыңың ичинде парахатчылык болсун,
гала диңлеринде ховпсузлык болсун!»
дийип, Иерусалимиң парахатлыгы үчин
дога-дилеглер эдиң.
8Доганларым билен якынларымың хатырасына,
«Сенде рахатлык болсун!» диййәрин.
9Худайымың Реббиң өйүниң хатырасына
сениң аманлыгың үчин дога эдйәрин.
Copyright information for
TukCyr16