Psa 136 | TukCyr16 | STEP | Бабыл сувларының боюнда отурып, Сионы ятлан вагтымыз гөзяш дөкүпдик.

‏ Psalms 136

1 Бабыл сувларының боюнда отурып,
Сионы ятлан вагтымыз гөзяш дөкүпдик.
2 Шол ердәки дерек агачларындан
өз лираларымызы ^{▼▼Лира – киришли саз гуралы. Сөзлүге серет.} асып гоюпдык.
3 Бизи есир аланлар шол ерде нагма талап этдилер,
бизе эзъет беренлер шадыянлыгы талап этдилер.
«Бизе Сион нагмаларындан бирини айдың» дийдилер.
4 «Ят топракда ненең эдип
Реббиң нагмасыны айдалы?!»
5 Эй, Иерусалим, эгер сени унутсам,
гой, элим хүнәрини унутсын.
6 Эгер сени яда салмасам,
Иерусалим шатлыгымың сересидир диймесем,
гой, дилим дамагыма япышсын!
7 Я Реб, Иерусалимиң йыкылан гүни:
«Оны юмруң, оны юмруң дүйбүне ченли!»
диен эдомлары Сен ядыңа сал!
8 Эй, Бабыл гызы, эй, вейран болмуш,
сениң бизе эденлериңи гайтарҗак нәхили багтлы!
9 Сениң балаларыңы даша урҗак нәхили багтлы!