Psalms 22
Давудың мезмуры
1Реб – мениң чопаным;мен хич зада мәтәч болмарын.
2Ол мени яшыл өрүлерде ятыряр,
сиңңин акян сувларың якасына әкидйәр.
3Мениң җанымы Ол тәзелейәр
хем-де Өз адының хатырасына
догрулык ёлларындан мени әкидйәр.
4Түм гараңкы дереден гечәемде-де,
яманлыкдан горкмаярын мен,
чүнки Сен мениң биленсиң.
Сениң хасаң, чопан таягың
арам берйәр җаныма мениң.
5Сен маңа сачак язярсың
душманларымың гөзлериниң алнында;
яг чалярсың мениң башыма;
пүрепүрдир мениң пыялам.
6Билйәрин, ягшылык ве садык сөйги
өмүрбойы хемра боларлар маңа;
өмүрбакы яшарын Реббиң өйүнде.
Copyright information for
TukCyr16