Psalms 31
Давудың маскили
1Языгы багышланан, гүнәси өртүлен адамнәхили багтлы!
2Реб тарапындан этмиши хасаба алынмаян,
рухунда хиле ёк адам нәхили багтлы!
3Мен дымып,
узаклы гүн зар-зар агланымда,
гурап галды мениң сүңклерим.
4Чүнки гиҗе-гүндиз элиң үстүме аграмын салды,
томус ыссысында ялы ысгыным гачды. Села
5Саңа әшгәр этдим мен өз гүнәми
хем-де гизлемедим этмишлерими.
Дийдим: «Реб янында боюн алҗак языкларымы».
Сен хем багышладың гүнәмиң языгыны. Села
6Мунуң үчин садыкларың хер бири
гүнәсини аңлан вагты Саңа этсин доганы.
Шонда, муңа ёкдур хич шүбхе:
оңа етмез көп сувларың җошмагы.
7Сенсиң мениң гизленйән ерим;
гораярсың мени ховп-хатарлардан;
Сен мени халас эйледиң,
йүрегиме шатлык нагмасын гойдуң. Села
8«Мен саңа өвүт берерин, йөремели ёлуңы салгы берерин;
маслахат берерин, сенде болар Мениң назарым.
9Дүшүнҗесиз ат я гатыр дек болма:
агыззырык билен уян болмаса
билмейәрлер олар гитҗек ёлуны».
10Көп боляндыр эрбетлериң гайгысы,
эмма Реббе бил баглаянлары
гуршап аляр Онуң садык сөйгүси.
11Эй, догры адамлар, Ребде бегениң хем-де шатланың!
Эй, йүреги догрулар, хеммәңиз хешелле какың!
Copyright information for
TukCyr16